287. ഖു൪ആ൯സന്ദേശപാഠങ്ങൾ അൽകാഫിറൂൻ. 3-12-16.

കുഫ്ർ ഉടലെടുക്കുന്ന നാലാമത്തെ രൂപം പ്രവാചകന്മാരിൽ ചിലരെ അംഗീകരിക്കലും മറ്റ് ചിലരെ തള്ളിപ്പറയലുമാണ്.
അഞ്ചാമത്തെ രൂപം പ്രവാചകന്മാ൪ വഴി ലഭ്യമായ ശിക്ഷണനിർദ്ധേശങ്ങളെ പൂർണ്ണമായോ ഭാഗികമായോ നിഷേധിക്കലും കുഫ്റിന്റെ വഴിയാണ്.
ആറാമത്തെ രൂപം  മേൽ പറയപ്പെട്ട കാര്യങ്ങളൊക്കെ അംഗീകരിക്കും.  എന്നാൽ പ്രയോഗത്തിൽ ദൈവ വിധികളെ മനപ്പൂർവ്വം ലംഘിക്കുകയും ആ നിയമലംഘനത്തിൽ കടിച്ച് തൂങ്ങുകയും ജീവിതനയം തന്നെ ദൈവധിക്കാരത്തിൽ  കെട്ടിപ്പടുക്കുകയും ചെയ്യലാണ്.
ഇത്യാദി കാരണങ്ങളിൽ ഏതെങ്കിലുമൊന്ന് ആരുടെ ജീവിതത്തിലാണെങ്കിലും സംഭവിക്കുന്നുണ്ടെങ്കിൽ അത്രത്തോളം അവനിൽ സത്യനിഷേധത്തിന്റെ അംശമുണ്ടെന്നാണ് മനസ്സിലാക്കപ്പെടേണ്ടത്.
=====================
By k s sulaiman ernakulam
9447372001
=====================

286. ഖു൪ആ൯സന്ദേശപാഠങ്ങൾ അൽകാഫിറൂൻ (6) 29-11-16.

ലഭ്യമായ സ്വാതന്ത്ര്യം  ഉപയോഗപ്പെടുത്തി ഏകദൈവ വിശ്വാസിയുമാകാം ബഹുദൈവ വിശ്വാസിയുമാകാം. പക്ഷേ, ഇരുകൂട്ടരുടെയും വഴി ഒന്നാവുക സാധ്യമല്ല-ആരാധനാ രീതികളും ജീവിത ഇടപാടുകളും യോജിച്ച് പോവുക സാധ്യമേയല്ല. നിങ്ങൾക്ക് നിങ്ങളുടെ വഴി, എനിക്ക് എന്റെ വഴി.നിങ്ങൾക്ക് കളങ്കമാർന്ന കുഫ്റിന്റെ വഴി, എനിക്ക് സംശുദ്ധമായ തൌഹീദിന്റെ വഴി....... ഞാൻ പറയാനുള്ളത് പറഞ്ഞ് കഴിഞ്ഞു   ഇനി നിന്റെ ഇഷ്ടം പോലെ.... തുടർന്ന് സംഭവിക്കുന്ന വരും വരായ്കകൾക്ക് ഞാൻ ഉത്തരവാദിയല്ല എന്ന് പറയുകയാണ് അവസാന വാചകത്തിലൂടെ.

വഴികൾ അനവധിയില്ല-രണ്ടെണ്ണമേയുള്ളൂ.ഒന്ന് സത്യത്തിന്റെ മേൽ ഉയർത്തപ്പെട്ട ജീവിതരീതി മറ്റൊന്ന് അസത്യത്തിന്റെ മേൽ  പടുത്തുയർത്തപ്പെട്ട ജീവിതരീതി. തമ്മിലുള്ള തർക്കത്തിന്റെ മർമ്മം ദൈവവിശ്വാസവുമായും അത് പകർന്ന് നല്കുന്ന ജീവിതരീതിയുമായും ബന്ധപ്പെട്ടാണ്. അവ ഉരുത്തിരിക്കുന്ന ജീവിതരീതിയാണ് യഥാർത്ഥ പ്രശ്നവും.

ഏതെല്ലാം മതവിഭാഗങ്ങളും മതമില്ലാത്തവരുമിവിടെയുണ്ടെങ്കിലും ഇസ്ലാമല്ലാത്ത എല്ലാ മതാനുയായികളും ഒരേ മതക്കാരാണ്. അവരുടെയൊക്കെ അടിയാധാരം ഒന്ന് തന്നെയാണ്. അത് കൊണ്ട് ഇസ്ലാമിനോടും മുസ്ലിംകളോടുമുള്ള സമീപനത്തിലും സാമ്യത പുലർത്തുന്നവരാണ് അവർ.
=====================
By k s sulaiman ernakulam
9447372001.
=====================

285. ഖു൪ആ൯സന്ദേശപാഠങ്ങൾ അൽകാഫിറൂൻ (2-5) 25-11-16.

സുഹൃത്തെ,
കാഫിറുകളുടെ ദൈവം എന്നും എല്ലായിടത്തും ഒരുപോലെയല്ല. വ്യക്തി, സമൂഹം, രാജ്യം, കാലം ഇവ മാറുന്നതിനനുസരിച്ച് ദൈവങ്ങളും മാറ്റങ്ങൾക്ക് വിധേയമാകുന്നു. ഇന്നലെ വരെയില്ലാത്ത ദൈവങ്ങൾ ഇന്ന് പുതുതായി ഉടലെടുക്കുകയും അവരോധിക്കപ്പെടുകയും ചെയ്യുന്നു. നാളെയും പുതിയത് ഉണ്ടായിക്കൊണ്ടിരിക്കുകയും ചെയ്യും.

സഹോദരാ, എനിക്ക് താങ്കളോട് പറയാനുള്ളത് ഇതാണ്. പ്രപഞ്ച സൃഷ്ടാവ് ഉദ്ധേശിച്ചിരുന്നുവെങ്കിൽ മനുഷ്യ കുലത്തെയൊന്നാകെ ഏകദൈവ വിശ്വാസികളായിത്തന്നെ സൃഷ്ടിക്കുമായിരുന്നു.
പക്ഷേ, ദൈവം തമ്പുരാൻ  ഒരു പരീക്ഷണമെന്ന നിലയിൽ ആ മേഖലയിൽ തെരഞ്ഞെടുപ്പ് സ്വാതന്ത്ര്യം അനുവദിച്ച് കൊണ്ടാണ് മനുഷ്യനെ സൃഷ്ടിച്ചിട്ടുള്ളത്.

ആ സ്വാതന്ത്ര്യം ഉപയോഗിച്ച് ഏകദെെവത്വമോ ബഹുദൈവത്വമോ എനിക്കും താങ്കൾക്കും തെരഞ്ഞെടുക്കാം.
അതിന്റെ മേലെ നിയന്ത്രണം ഏർപ്പെടുത്താനോ ബലാൽക്കാര നടപടികൾ സ്വീകരിക്കാനോ ഒരു സൃഷ്ടിക്കും അധികാരമില്ല.
അതേ സമയം പരസ്പര ബോധവൽക്കരണത്തിലൂടെയും ആശയക്കൈമാറ്റങ്ങളിലൂടെയും മനസ്സുകളെ  ബോധ്യപ്പെടുത്താനും മാറ്റങ്ങൾക്ക് വിധേയമാക്കാനും
ജീവിക്കുന്ന ചുറ്റുപാട് അനുവദിക്കുന്ന സമാധാനപരമായ മാർഗ്ഗങ്ങളിലൂടെ പരിശ്രമിക്കാവുന്നതുമാണ്.

284. ഖു൪ആ൯സന്ദേശപാഠങ്ങൾ അൽകാഫിറൂൻ (2-5) 25-11-16.

സുഹൃത്തെ,
ഞാൻ മനസ്സിലാക്കുന്ന ദൈവം ഈ പ്രപഞ്ചത്തെ സംവിധാനിക്കുക മാത്രമല്ല ചെയ്തത്. അനുനിമിഷം അതിനെ ചലിപ്പിച്ച് കൊണ്ടിരിക്കുന്നു. അവന്റെ വിധി തീരുമാനങ്ങളാണ് ഇവിടെ നടന്നുകൊണ്ടിരിക്കുന്നത്. അവനാകട്ടെ സകലവിധ ന്യൂനതകൾക്കും ദൌർബ്ബല്യങ്ങൾക്കും അതീതനാണ്. അസദൃശനാണ്. നിരാകാരനാണ്. അതുല്യനാണ്. അരൂപനാണ്. ഒരു കൂട്ടാളിയോ സഹായിയോ പങ്ക്കാരനോ ആവശ്യമില്ലാത്തവൻ. ഏതെങ്കിലും വർഗ്ഗത്തോടോ വംശത്തോടോ പ്രത്യേക ബന്ധങ്ങളൊന്നുമില്ലാത്തവൻ.
അന്നദാതാവ്, പരിപാലകൻ,  നിരീക്ഷകൻ എന്നീ നിലകളിലെല്ലാം തന്റെ മുഴുവൻ സൃഷ്ടികളോടും നിരന്തര ബന്ധമുള്ളവനുമാണവൻ.അവരുടെ പ്രാർത്ഥന കേൾക്കുകയും യഥാർഹം ഉത്തരം നല്കുകയും ചെയ്യുന്നവനാണവൻ.

മാത്രമല്ല, ജനന മരണങ്ങളുടെയും ഉപകാര ഉപദ്രവങ്ങളുടെയും സൌഭാഗ്യ നിർഭാഗ്യങ്ങളുടെയും ഏക ഉടമസ്ഥനും അവൻ തന്നെ. കൂടാതെ സൃഷ്ടികൾക്ക് അർഹമായ മാർഗ്ഗദർശനം നല്കുന്നുണ്ടവൻ. അവൻ മനുഷ്യർക്ക് പ്രവാചകന്മാർ വഴി നിയമനിർദ്ധേശങ്ങൾ നല്കുന്നു. അവ പൂർണ്ണമായി അനുസരിക്കുകയാണ് നാം ചെയ്യേണ്ടത്. വെറും ആരാധനകൾ അർപ്പിച്ചാൽ മാത്രം പോരാ....ജീവിതമപ്പാടെ അവന്റെ ഇഷ്ടാനിഷ്ടങ്ങൾക്ക് വിധേയമാക്കണം.

മരണാനന്തരവും നമുക്ക് ജീവിതമുണ്ടെന്നും അവിടെ ഇവിടുത്തെ ജീവിതത്തെ കുറിച്ച് അന്വേഷണം ഉണ്ടാകുമെന്ന് മുന്നറിയിപ്പ് നല്കുകയും ചെയ്തിട്ടുണ്ട്.
ഈയൊരവസ്ഥയിൽ മേൽ പറയപ്പെട്ട ഗുണഗണങ്ങളുടെ ഉടമയായ ഏകനായ ദൈവത്തിന് ഏത് തരത്തിലായാലും പങ്കാളിയെ കരുതുന്ന  ഒരുവിധ അനുഷ്ഠാനവും ജീവിത രീതിയും എന്നിൽ സംഭവിക്കാതിരിക്കാൻ ഞാൻ പ്രത്യേകം ശ്രദ്ധാലുവായിരിക്കും
                       (തുടരും).
=====================
By k s sulaiman ernakulam
9447372001
=====================

283. ഖു൪ആ൯സന്ദേശപാഠങ്ങൾ അൽകാഫിറൂൻ (2-5) 23-11-16.

സത്യ നിഷേധം അടിത്തറയായി സ്വീകരിച്ച, അതിനനുസൃതമായി ജീവിതം നയിക്കുന്ന സുഹൃത്തുക്കളോടും സഹോദരങ്ങളോടും വിശ്വാസി സമൂഹം സ്നേഹപൂർവ്വം പറയേണ്ടതും വിമോചനം നേടേണ്ടതുമായ കാര്യങ്ങളാണ് ഈ വചനങ്ങൾ വ്യക്തമാക്കുന്നത്. പ്രവാചകൻ അഭിമുഖീകരിച്ച അഡ്ജസ്റ്റ്മെൻറിന് വേണ്ടിയുള്ള നിർദ്ധേശം നമുക്ക് അഭിമുഖീകരിക്കേണ്ടി വന്നിട്ടില്ലെങ്കിലും ബഹുസ്വര സമൂഹത്തിൽ കൂടിക്കലർന്ന് ജീവിക്കുന്നവരെന്ന നിലയിൽ സംഭവിച്ച് കൊണ്ടിരിക്കുന്നതും സാധ്യതയുള്ളതുമായ കാര്യങ്ങളാണ് ഇവ.

സുഹൃത്തെ, താങ്കൾ ദൈവമുണ്ടെന്നംഗീകരിക്കുന്നതോടൊപ്പം തന്നെ തങ്ങളുടെ കാര്യ സാധ്യത്തിനുതകുമെന്ന് കരുതി അനേകരെ ദൈവങ്ങളായി വാഴിക്കുകയും പൂജാ വഴിപാട് നേർച്ചാ നിവേദ്യങ്ങളിലൂടെ തൃപ്തിപ്പെടുത്താൻ ശ്രമിക്കുകയും ചെയ്യുന്നു. അതിൽ പിതാവായ ദൈവമുണ്ട്. കുടുംബങ്ങളുള്ള ദൈവമുണ്ട്.. വിശ്രമിക്കുന്ന ദൈവമുണ്ട്,ചില സവിശേഷ വംശങ്ങൾക്ക് മാത്രമായ ദൈവമുണ്ട്, ആദികാരണം മാത്രമായ ദൈവമുണ്ട്, സൃഷ്ടിപ്പിനൊരു ദൈവം, നിലനിർത്താൻ മറ്റൊരു ദൈവം, സംഹരിക്കാൻ വേറൊന്ന്..., മൃഗ ദൈവങ്ങൾ, സൂര്യദേവൻ, ഭൂമിദേവി......... ഇങ്ങനെ അനവധി ദൈവങ്ങൾ. അവയ്ക്കൊക്കെയും വെവ്വേറെ വഴിപാടുകൾ, പുജാദി കർമ്മങ്ങൾ.... അവ രൂപപ്പെടുത്തുന്ന കുഴ മറിഞ്ഞ ജീവിത സംസ്കാരങ്ങൾ.

ഇങ്ങനെ  നിങ്ങളും നിങ്ങളുടെ മുൻഗാമികളും ദൈവങ്ങളായി സ്വീകരിച്ച് പൂജാവഴിപാടുകൾ അർപ്പിച്ച് കൊണ്ടിരിക്കുന്നവയുടെ മുമ്പിൽ നമിക്കാനും കുനിയാനും അത് വഴി രൂപപ്പെടുന്ന ജീവിത സംസ്കാരത്തിന് വിധേയപ്പെടാനും യഥാർത്ഥ ദൈവത്തെ വിശ്വസിക്കുകയും അംഗീകരിക്കുകയും വിധേയപ്പെടുകയും ചെയ്യുന്നവനെന്ന നിലയിൽ എനിക്ക് സാധ്യമല്ല. ഞാൻ ചെയ്യുകയില്ല. എന്നാലിത് സാധാരണ സാഹചര്യങ്ങളിൽ  നാം തമ്മിലെ മാനുഷിക പരിഗണനകളും ബന്ധങ്ങളും പുലർത്തിപ്പോരുന്നതിന്ന് വിഘാതമാവുകയുമില്ല.
                           (തുടരും).

92.ഖു൪ആൻ
സന്ദേശപാഠങ്ങൾ (അൽകഹ്ഫ്3-5)
=========================

 അല്ലാഹുവിൽ നിന്ന് വന്ന് കിട്ടിയതെന്ന് അറിയുന്നതിനെ സത്യമായംഗീകരിക്കുകയും അതിലെ നി൪ദ്ധേശങ്ങൾ പ്രകാരം ജീവിതം ക്രമപ്പെടുത്തുകയും ചെയ്ത വ൪ക്ക് ഒരിക്കലും വിടപറയേണ്ടതില്ലാത്ത വിധം സുസ്ഥിരമായ സ്വ൪ഗ്ഗ വാസമാണ് അവ൪ക്കവിടെ ലഭ്യം.

അല്ലാഹുവിന്ന് മക്കളെയും കുടുംബത്തെയും നിശ്ചയിച്ച ആളുകൾക്ക് ഇഹ-പര ശിക്ഷകളെ സംബന്ധിച്ച് മുന്നറിയിപ്പ് നല്കാനും  ഉള്ളതാണ് ഈ ഖു൪ആ൯

എന്നാലോ അല്ലാഹുവിന്ന് പുത്ര കളത്റാദികളുണ്ടെന്ന് ജൽപിക്കുന്നവരോ അവരുടെ പ്റപിതാക്കളോ എന്തെങ്കിലും തെളിഞ്ഞ ഒരു വിവരത്തിന്റെ അടിസ്ഥാനത്തിലൊന്നുമല്ല പറയുന്നത്, അത്തരം വാക്കുകളും വാദങ്ങളും ആണ് ഏറ്റവും കൊടിയ ദ്രോഹമായി കണക്കാക്കപ്പെടുന്നത്.
............................................(തുടരും)

ഖു൪ആ൯ സന്ദേശപാഠം 91.

91.ഖുർആൻ
സന്ദേശപാഠങ്ങൾ (അൽകഹ്ഫ് 1-2)

 മനുഷ്യകുലത്തിന്ന് ലഭ്യമായ അനുഗ്രഹങ്ങളിൽ പരമോന്നത സ്ഥാനത്തുള്ളത് വിശുദ്ധ ഖു൪ആ൯ ആണ്. നേരായ, വക്റതയില്ലാത്ത അതിലെ വചനങ്ങൾ മുഖേന അനുസരണക്കേട് കാണിക്കുന്നവ൪ക്ക് കഠിന ശിക്ഷയെകുറിച്ച് മുന്നറിയിപ്പ് നല്കുന്നു. വിശ്വാസികളായി സൽക൪മ്മങ്ങളനുഷ്ഠിക്കുന്നവ൪ക്ക് സന്തോഷവാ൪ത്ത ഏകുന്നു.
അങ്ങേയറ്റം  സംപൂ൪ണ്ണത അവകാശപ്പെടാവുന്ന ഗ്രന്ഥമാണ് ഖു൪ആൻ. ഓരോരുത്തരും അവരവരുടെ കഴിവിന്നനുസൃതമായി ഇതിൽനിന്ന് ഗ്രഹിക്കുകയും പ്റയോജനപ്പെടുത്തുകയും ചെയ്യുന്നതിനാൽ നബിക്കും അനുയായികൾക്കും അല്ലാഹുവിന്ന് നന്ദി രേഖപ്പെടുത്തൽ അനിവാര്യതയായി....ബാധ്യതയായി.

‌ അങ്ങനെയൊരു ഗ്രന്ഥം തന്റെ ദാസന്ന് അവതരിപ്പിച്ച് കൊണ്ട്  സകലരുടെയും ജീവിതപ്റയാണത്തിന് വെളിച്ചമേകാൻ കാരുണ്യം കാണിച്ച അല്ലാഹുവിന്ന് എല്ലാ അ൪ത്ഥത്തിലും ഉള്ള സ്തുതി സ്തോത്റങ്ങൾ.
.................................

90.ഖുർആൻ
സന്ദേശപാഠങ്ങൾ (അൽകഹ്ഫ്)
=======================
അടുത്ത പാഠഭാഗത്തിനായി  തെരഞ്ഞെടുത്തത് നമുക്കൊക്കെ സുപരിചിതമായ, വെള്ളിയാഴ്ചകളിൽ പ്രത്യേകമായി പാരായണം ചെയ്യപ്പെടുന്ന സൂറതുൽ കഹ്ഫ് ആണ്.

നബിയുടെ മക്കാ ജീവിത കാലഘട്ടത്തിന്റെ അവസാന വേളകളിലാണ് ഈ അദ്ധ്യായത്തിന്റെ അവതരണം. സത്യനിഷേധികളുടെ അസഹ്യമായ മ൪ദ്ധന പീഢനങ്ങൾക്കൊടുവിൽ മക്കാ ജീവിതം അവസാനിപ്പിച്ച് പുറത്ത് പോകേണ്ടുന്നിടത്തോളം കാര്യങ്ങളെത്തി.ഈ വേളയിലാണ് വിശ്വാസം സംരക്ഷിക്കാനും ദൃഡീകരിക്കാനും മു൯കാല മുസ്ലിംക]ൾക്ക് എന്തെല്ലാം പ്റവ൪ത്തിക്കേണ്ടി വന്നുവെന്ന് ബോധ്യപ്പെടുത്തിക്കൊണ്ട് എക്കാലത്തെയും മുസ്ലിംകൾ ക്ക് കൾക്ക് സാധനപാഠമാകാ൯ പാകത്തിൽ ഈ അദ്ധ്യായത്തിലൂടെ വഴിവെളിച്ചമേകുന്നത്.

ഗുഹാവാസികളുടെ കഥ, ഖിള്റ് നബിയുടെ കഥ, ദുൽഖ൪നെെനിയുടെ കഥ എന്നിവ സംബന്ധിച്ച നിഷേധികളുടെ ചോദ്യങ്ങൾക്ക് അല്ലാഹു തന്റെ ദൂതനിലൂടെ നല്കുന്ന മറുപടിയാണ് പ്രധാനമായും ഈ അധ്യായത്തിൽ. അതിലൂടെ മക്കയിലെ മുസ്ലിംകൾക്കു സത്യ നിഷേധികളിൽ നിന്ന് അനുഭവിക്കേണ്ടിവന്ന പ്റയാസങ്ങൾ ക്കുള്ള സാമ്യതയും എക്കാലത്തെയുംമുസ്ലിംകളും ഇതിൽനിന്നൊഴിവല്ലെന്ന സൂചനയും ഈ പാഠഭാഗത്തിലുണ്ട്. 

മനുജനും പാറയും

മണ്ണിൽ നിന്ന് തുടക്കം
മണ്ണിലേക്ക് മടക്കം
തുടക്ക മടക്കങ്ങൾ
ക്കിടയിലൊരു ജീവിതം ............
ഈ ജീവിതം കല്ലായി
തീർക്കുന്നോർക്ക്
കല്ലിനോടൊപ്പമൊരു
ജീവിതം വീണ്ടും ലഭ്യം
മനുജനും പാറയും
വിറകാകും അഗ്നിയിൽ
അവസാനമില്ലാതാ
വർത്തനം പിന്നെയും പിന്നെയും
അത് കൊണ്ട് മർത്യാ
സൂക്ഷിക്കാ വേണം നീ
നിന് നാഥന്റെ
സാന്നിധ്യമെപ്പോഴും

** പാറ പൊടിഞ്ഞാണ് മണ്ണ് ഉണ്ടാകുന്നത്

അല്ലാഹുവിന്റെ രഹസ്യങ്ങൾ

അല്ലാഹുവിന്റെ ഇഷ്ടം ഒരു രഹസ്യമാണ്,
 അത് എല്ലാവര്ക്കും മോഹിക്കാം .
അല്ലാഹുവിന്റെ കോപം ഒരു രഹസ്യമാണ്,
അതിനെ എല്ലാവര്ക്കും പേടിക്കാം .
പ്രാര്തനയുടെ ഉത്തരം ഒരു രഹസ്യമാണ്,
അതിനാല പ്രാര്ത്ഥന വര്ധിപ്പിക്കാം .
പാപ മുക്തി ഒരു രഹസ്യമാണ്,
അതിനുള്ള വിവിധ രീതികള അവലംബിക്കാം .
മരണം ഒരു രഹസ്യമാണ്,
അതിനാല അതിനെ എപ്പോഴും പ്രതീക്ഷിച്ചു കൊണ്ടിരിക്കാം .
അത് പോലെ  റമദാനിലെ ലൈലത്തുൽ ഖദ്റും ഒരു രഹസ്യമാണ് ,
അത് റമദാനിലെ ഏതു രാവുകളിലും   പ്രതീക്ഷിച്ചു കൊണ്ടിരിക്കുക .

മഴക്കാലത്ത് വായിക്കാൻ ,ആലോചിക്കാൻ:

                                                   നിങ്ങള്‍ കണ്ടുകൊണ്ടിരിക്കുന്ന അതുല്യമായ ചിട്ടയും വ്യവസ്ഥയുമുള്ള മഴയുടെ ഈ സംവിധാനം, അതില്‍ പ്രകടമാകുന്ന യുക്തികളും താല്‍പര്യങ്ങളും, ഇതെല്ലാം ഈ ലോകം നിരര്‍ഥകമായും അലക്ഷ്യമായും നിര്‍മിക്കപ്പെട്ടതോ കോടാനുകോടി വര്‍ഷങ്ങളായി നടന്നുവരുന്ന ഒരു വലിയ കളിയോ അല്ലെന്നും പ്രത്യുത, തികച്ചും ആസൂത്രിതമായ ഒരു സംവിധാനമാണെന്നും അതിലെ ഓരോ കാര്യവും ഒരു ലക്ഷ്യത്തിനും താല്‍പര്യത്തിനും വേണ്ടിയാണ് സംഭവിച്ചുകൊണ്ടിരിക്കുന്നതെന്നും സാക്ഷ്യപ്പെടുത്തുന്നുണ്ട്. ഇവിടെ മനുഷ്യനെപ്പോലെ ബുദ്ധിയും ബോധവും വിവേചനശക്തിയും കൈകാര്യ സ്വാതന്ത്യ്രവും ഉള്ള ഒരു സൃഷ്ടി-അവനില്‍ നന്മകള്‍ സംബന്ധിച്ച ധാര്‍മികാനുഭൂതി നിക്ഷിപ്തമായിരിക്കുന്നു. എല്ലാ നിലയിലുമുള്ള നല്ലതും ചീത്തയും അബദ്ധവും സുബദ്ധവുമായ കര്‍മങ്ങള്‍ ചെയ്യാന്‍ അവന് അവസരം നല്‍കപ്പെട്ടിരിക്കുന്നു- ഭൂമിയില്‍ തോന്ന്യാസങ്ങള്‍ ചെയ്യുന്നതിനായി അലക്ഷ്യനും അര്‍ഥശൂന്യനുമായി ഉപേക്ഷിക്കപ്പെടുക! അവനു നല്‍കപ്പെട്ട മനസ്സും മസ്തിഷ്കവും മറ്റു യോഗ്യതകളും ഈ ലോകത്ത് പ്രവര്‍ത്തിക്കുന്നതിനുവേണ്ടി അവന് ഏല്‍പ്പിച്ചുകൊടുത്തിരുന്ന ഉപകരണങ്ങളും ഉപാധികളും എണ്ണമറ്റ ദൈവസൃഷ്ടികളെ കൈകാര്യം ചെയ്യാന്‍ അവനു ലഭിച്ചിരുന്ന സ്വാതന്ത്യ്രവും എല്ലാം എങ്ങനെ വിനിയോഗിച്ചുവെന്ന് വിചാരണ ചെയ്യപ്പെടാതിരിക്കുക, തികച്ചും സോദ്ദേശ്യവും വ്യവസ്ഥാപിതവുമായ പ്രപഞ്ചത്തില്‍ മനുഷ്യനെപ്പോലുള്ള ഈ മഹല്‍സൃഷ്ടി ഇത്ര നിരുദ്ദേശ്യവും സാരഹീനവുമാവുക സാധ്യമാണോ?
                                                     ബുദ്ധിയും ബോധവുമില്ലാത്ത സൃഷ്ടികളെ സംബന്ധിച്ചിടത്തോളം അവയുടെ സൃഷ്ടിലക്ഷ്യം ഈ ഭൌതികലോകത്ത് വെച്ചുതന്നെ പൂര്‍ത്തീകരിക്കപ്പെടുന്നുണ്ട്. അതിനാല്‍, അവരുടെ ജീവിതകാലം അവസാനിച്ചാല്‍ അവ പാഴായിപ്പോകുന്നത് യുക്തിസഹമാണ്. എന്തുകൊണ്ടെന്നാല്‍, അവയെ സംബന്ധിച്ചിടത്തോളം വിചാരണ പ്രസക്തമാകാന്‍, അവയ്ക്ക് യാതൊരുവിധ അധികാരവും സ്വാതന്ത്യ്രവും നല്‍കപ്പെട്ടിട്ടില്ല. എന്നാല്‍, ബുദ്ധിയും വികാരവും സ്വാതന്ത്യ്രവുമുള്ള സൃഷ്ടികളുടെ കര്‍മങ്ങള്‍ക്ക് കേവലം ഭൌതികമാനമല്ല ഉള്ളത്. ധാര്‍മികമാനവും കൂടിയുണ്ട്. ധാര്‍മികഫലങ്ങളുളവാക്കുന്ന കര്‍മങ്ങളുടെ ചങ്ങലയാവട്ടെ ജീവിതാന്ത്യം വരെ മാത്രമല്ല നീളുന്നത്. മരണാനന്തരവും അതിന്റെ ഫലങ്ങള്‍ തുടര്‍ന്നുകൊണ്ടേയിരിക്കും. ഇത്തരം പ്രവര്‍ത്തനങ്ങള്‍ക്ക് ഉടമയായ മനുഷ്യന്‍ അവന്റെ ഭൌതിക പ്രവര്‍ത്തനങ്ങള്‍ അവസാനിക്കുന്നതോടെ സസ്യങ്ങളെയും ജന്തുജാലങ്ങളെയും പോലെ പാഴായിപ്പോകാവതാണോ? ഇച്ഛാപൂര്‍വമായും സ്വതന്ത്രമായും ചെയ്ത നന്മതിന്മകള്‍ക്ക് അവന് നീതിനിഷ്ഠവും നിഷ്പക്ഷവുമായ പ്രതിഫലം ലഭിക്കേണ്ടതനിവാര്യമാകുന്നു. മറ്റു സൃഷ്ടികളില്‍നിന്ന് ഭിന്നമായി മനുഷ്യനെ സ്വാതന്ത്യ്രവും അധികാരവുമുള്ള ഒരു സൃഷ്ടിയാക്കി രൂപപ്പെടുത്തിയതിന്റെ താല്‍പര്യമാണത്. അവന്‍ വിചാരണ ചെയ്യപ്പെടാതെ, കര്‍മങ്ങളുടെ അടിസ്ഥാനത്തില്‍ രക്ഷാശിക്ഷകള്‍ നല്‍കപ്പെടാതെ, സ്വാതന്ത്യ്രവും ഇച്ഛാശക്തിയുമില്ലാത്ത സൃഷ്ടികളെപ്പോലെ ഭൌതികജീവിതം തീരുമ്പോള്‍ പാഴായിപ്പോകുന്നവനാണെങ്കില്‍ നിസ്സംശയം, അവന്റെ സൃഷ്ടി ഒരു പാഴ്വേലയാകുന്നു. എന്നാല്‍, തികഞ്ഞ യുക്തിമാനായ ഒരുവനില്‍ നിന്ന് പാഴ്വേലകള്‍ പ്രതീക്ഷിക്കാവതല്ലല്ലോ.
                                                               ഇതിനു പുറമേ പരലോകത്തിന്റെയും രക്ഷാശിക്ഷകളുടെയും സംഭവ്യതക്ക് ഈ നാലു പ്രാപഞ്ചിക പ്രതിഭാസങ്ങളെ പിടിച്ചാണയിട്ടതിന് മറ്റൊരു സാംഗത്യം കൂടിയുണ്ട്. മരിച്ചു ജീര്‍ണിച്ചുപോവുകയും മനുഷ്യന്റെ കോശങ്ങളെല്ലാം മണ്ണില്‍ കലര്‍ന്നു ചിതറിപ്പോകുകയും ചെയ്താല്‍ പിന്നെ, ആ ദ്രവിച്ചു ചിതറിപ്പോയ ശരീരഘടകങ്ങളെയെല്ലാം വീണ്ടും സമാഹരിച്ച് മനുഷ്യനെ പുനരുജ്ജീവിപ്പിക്കാന്‍ കഴിയുന്നതെങ്ങനെയെന്ന സന്ദേഹത്തെ ആസ്പദമാക്കിയായിരുന്നു പരലോക നിഷേധികള്‍ മരണാനന്തര ജീവിതത്തെ അസംഭവ്യമായി കരുതിയിരുന്നത്. പരലോകത്തിന്റെ തെളിവുകളായി അവതരിപ്പിച്ച ഈ നാലു പ്രാപഞ്ചിക പ്രതിഭാസങ്ങളെക്കുറിച്ചാലോചിച്ചുനോക്കിയാല്‍ പ്രസ്തുത സന്ദേഹം സ്വയം ദൂരീകൃതമാകുന്നതാണ്. സൂര്യരശ്മികള്‍ അതിന്റെ താപമെത്തിച്ചേരുന്നിടത്തോളം ഭൂമിയിലെ ജലശേഖരങ്ങളിലഖിലം പ്രതികരണമുളവാക്കുന്നു. അതുവഴി ജലകണങ്ങള്‍ അവയുടെ സങ്കേതങ്ങളില്‍നിന്നുയര്‍ന്നുപോകുന്നു. എന്നാല്‍, അതു നശിച്ചുപോകുന്നില്ല. ഓരോ കണവും നീരാവിരൂപത്തില്‍ അന്തരീക്ഷത്തില്‍ സൂക്ഷിക്കപ്പെടുന്നു. പിന്നെ അവയെ മേഘങ്ങളാക്കി ഭൂമിയുടെ വിവിധ ഭാഗങ്ങളില്‍ പരത്തുന്നു. ദൈവനിശ്ചയപ്രകാരം കൃത്യസമയത്ത് അതിലെ ഓരോ തുള്ളിയും അവയുടെ പൂര്‍വരൂപത്തില്‍തന്നെ ഭൂമിയിലേക്ക് തിരിച്ചു വരുന്നു. മരിച്ചുപോയ മനുഷ്യന്റെ ശരീരഘടകങ്ങള്‍ ഒരു സൂചനകൊണ്ട് ഒരുമിച്ചുകൂട്ടാനും നേരത്തെ ഉണ്ടായിരുന്ന അതേ രൂപത്തില്‍ സംഘടിപ്പിക്കാനും അല്ലാഹുവിനു കഴിയുമെന്നതിന് അസന്ദിഗ്ധമായി സാക്ഷ്യം വഹിക്കുന്നു ഇത്. ആ ഘടകങ്ങള്‍ മണ്ണിലോ വെള്ളത്തിലോ വായുവിലോ ആവട്ടെ ഭൂമിയിലും പരിസരത്തും തന്നെയാണുള്ളത്. വായുവില്‍ ചിതറിപ്പോയ നീരാവിയെ വായുമുഖേന തന്നെ സമാഹരിക്കുകയും ജലമായി വര്‍ഷിക്കുകയും ചെയ്യുന്ന ദൈവത്തിന് മണ്ണിലും വെള്ളത്തിലും ചിതറിപ്പോയ മനുഷ്യഘടകങ്ങള്‍ ശേഖരിക്കലും പുനഃസംഘടിപ്പിക്കലും ഒട്ടും പ്രയാസകരമാകേണ്ടതില്ലല്ലോ.
(വിശുദ്ധ ഖുറാൻ അദ്ധ്യായം 51 ,ആദ്യ ഭാഗത്ത്,തഫ്ഹീമുൽ ഖുറാനിലെ വിശദീകരണത്തിൽ നിന്ന് )

ഏകദൈവത്വം ,പ്രവാചകത്വം,പരലോകം ........ഭാഗം 3

 ഭാവി മുസ്ലിങ്ങളുടെത്.               

                                                മുസ്ലിങ്ങള്‍  അങ്ങനെയായിരുന്നു.അത് ഭൂതകാലമാണ്.വരാനിരിക്കുന്ന കാലത്തെ കുറിച്ച് പരിശുദ്ധ ഖുര്‍ആന്‍ നമ്മെ പഠിപ്പിക്കുന്നു.ഇനിയും മുസ്ലിങ്ങള്‍ ലോകത്തിനു നേതൃത്വം നല്കുന്നവരായി മാറും ഇനിയും മുസ്ലിങ്ങള്‍ യഥാര്‍ത്ഥ വഴി കാട്ടികളായി ലോകത്തിനു മുന്നില്‍ ഉണ്ടാവും."അള്ളാഹു നിങ്ങളുടെ കൂട്ടത്തില്‍  വിശ്വാസം കൈക്കൊള്ളുകയും സുകൃതം അനുഷ്ടിക്കുകയും ചെയ്യുന്നവര്‍ക്ക് വാഗ്ദാനം ചെയ്യുന്നു .അവരെ ഈ ഭൂമിയില്‍ പ്രാതിനിധ്യം നല്‍കി അവരോധിക്കും.അവര്‍ക്ക് മുംപുണ്ടായിരുന്നവര്‍ക്ക് അള്ളാഹു നല്‍കിയ സ്ഥാനം അവര്‍ക്കും നല്‍കും.അവര്‍ജ്ക്ക് അവരുടെ ജീവിത മാര്‍ഗം, അവരുടെ ദീന്‍ അവരുടെ വിശ്വാസം പൂര്‍ണമായും നടപ്പാക്കാന്‍ അവസരം നല്‍കും.ഭയത്തിനു ശേഷം അവര്‍ക്ക് നിര്‍ഭയത്വം നല്‍കും.എനിക്ക് ഇബാടത് ചെയ്തു കൊണ്ട് ,എന്നില്‍ ആരെയും പങ്കു ചേര്‍ക്കാതെ ജീവിച്ചുകൊണ്ടിരിക്കുന്ന ഒരു രംഗം ഉണ്ടാക്കും.അല്ലാഹുവിന്റെ വാഗ്ധാനമാണ്.പ്രപഞ്ച നാഥനായ അള്ളാഹു വാഗ്ദാനം ചെയ്തിരിക്കുന്നു .അല്ലഹുവിനെക്കള്‍ വാക്ക് പാലിക്കുന്ന വാഗ്ദാനം പൂര്തീകരിക്കുന്ന ഒരു ശക്തിയും നമുക്ക് സങ്കല്പിക്കനവില്ലല്ലോ?അതിനാല്‍ ഭാവി മുസ്ലിങ്ങളുടെതാണ്.ഭാവി മനുഷ്യ രാശി അന്വേഷിച്ചുകൊണ്ടിരിക്കുന്ന വഴികാട്ടികലാണ് മുസ്ലിങ്ങള്‍..

                                                 നിങ്ങള്‍ ദുര്‍ബലരാകരുത്,നിങ്ങള്‍ ദു:ഖിക്കരുത് .നിങ്ങള്‍ വിശ്വാസികളാണോ

എങ്കില്‍ നിങ്ങള്‍ തന്നെയാണ് ഏറ്റവും ഉത്തമര്‍..മുസ്ലിങ്ങള്‍ പ്രതാപത്തിന്റെ ഉടമകള്‍ ആയിരുന്നു.എന്ന് നാം കണ്ടു.ആ ഇസ്സത് അവര്‍ക്കില്ലാത്ത ഒരു കാലം ,അവര്‍ മക്കയുടെയും മദീനയുടെയും പീഡിപ്പിക്കപ്പെട്ട കാലം അവര്‍ സമൂഹത്തിനു മുന്നില്‍ അടിച്ചമാര്തപ്പെട്ടു ഒരു മോചനത്തിന് വേണ്ടി ദാഹിച്ചിരുന്ന ഒരു കാലം ,അള്ളാഹു അവരോടു പറഞ്ഞു:അല്ലാഹുവിന്നാണ്‌ ഇസ്സത്,അല്ലവിന്റെ ദൂതനാണ്‌ ഇസ്സത് ,സത്യാ വിശ്വസികല്കാന് ഇസ്സത് ..ഈ വാഗ്ദാനം അല്ലാഹുവിന്റെ വാഗ്ധാനമാണ്.  മുഹമ്മദ്‌ നബി തിരുമേനി ആ വാഗ്ദാനം വിവിധ ശൈലികളിൽ   വിവിധ സന്ദര്‍ഭങ്ങളിലായി നമ്മെ കേള്പിചിടുണ്ട്.ഒരിക്കല്‍ അവിടുന്ന് ഉറക്കമുണര്‍ന്നു ,ആ ഉറക്കത്തില്‍ കണ്ട ,ലഭിച്ച ,ഒരു ദിവ്യ ബോധനത്തിന്റെ സന്ദേശം ,വെളിച്ചം സഹാബികളെ കേള്പിക്കുകയാണ്."സത്യ വിശ്വാസികള്‍ സുപ്രസിദ്ധമായ രണ്ടു പട്ടണങ്ങള്‍  ജയിച്ചടക്കും.ആ രണ്ടു പട്ടനഗളില്‍ ആദ്യത്തേത് കോണ്‍സ്ടാണ്ടി നേപ്പിൾ   ആയിരിക്കും.ഇന്ന് കൊന്‍സ്ടന്റിനോപ്പില്‍ നമുക്ക് ഭൂമിശാസ്ത്രത്തില്‍ കണ്ടെത്തുക പ്രയാസമാണ്.അതിന്റെ ഇപ്പോഴത്തെ പേര് ഇസ്തംബൂള്‍ എന്നാണ്.ആ കൊന്‍സ്ടന്റിനോപ്പില്‍ പിടിച്ചടക്കുന്ന ഭരണാധികാരിയെ പ്രശംസിച്ചു കൊണ്ട് നബി പറഞ്ഞു.ആ ഭരണാധികാരി ഉത്തമനായ ഭരണാധികാരി  ആയിരിക്കും.

നബിതിരുമേനിയുടെ കാലത്ത് മുസ്ലിങ്ങള്‍ കൊന്‍സ്ടന്റിനോപ്പില്‍ ജയിച്ചടക്കിയില്ല;അബൂബകര്‍(റ )വിന്റെ കാലത്തോ ഉമര്‍ (റ)വിന്റെ കാലത്തോ ഉസ്മാന്‍ ഇബ്നു അഫ്ഫാന്റെ കാലത്തോ മുസ്ലിങ്ങള്‍ കൊന്‍സ്ടന്റിനോപ്പില്‍ ജയിച്ചടക്കിയില്ല.പിന്നീട് അതാ ഉമവീ ഭരണം വരുന്നു......ആ കാലഘട്ടത്തിലാണ് മുസ്ലിങ്ങള്‍ കൊന്‍സ്ടന്റിനോപ്പില്‍ ജയിച്ചടക്കുന്നത്.മുഹമ്മദ്‌ നബിയുടെ പ്രവചനം അടുത്ത കാലത്ത് തന്നെ പുലരണം എന്നത് നമ്മുടെ ആഗ്രഹമാണ് .അതിനു അല്ലാഹു നിശ്ചയിച്ച കാലമാനുസരിച്ചു അത് പുലരും.

രണ്ടാമത്തെ പട്ടണം റോം ആണ് .ഇറ്റലിയുടെ തലസ്ഥാനം .റോം ഇന്ന് ആരുടെ തലസ്ഥാനമാണ്‌ എന്നും അവിടത്തെ വിശ്വാസികള്‍ ആരാണെന്നും നമുക്കറിയാം.അവിടെയുള്ള ആളുകള്‍ ഇസ്ലാമിനെ അന്ഗീകരിക്കുകയും അവരുടെ ജീവിത മാര്‍ഗമായി ഇസ്ലാം പ്രിയങ്കരമായി തീരുകയും ചെയ്താല്‍ റോം മുസ്ലിങ്ങളുടെത് ആവുന്നതിനു ഒരു പ്രയാസവുമില്ല.

                                                അതുമായി ബന്ധപ്പെട്ടു നമ്മുടെ ശത്രുക്കള്‍ പ്രചരിപ്പിക്കുന്ന ചില തത്വങ്ങള്‍,ചില വസ്തുതകള്‍ എന്റെ സഹോദരന്മാരെ എന്റെ സഹോദരിമാരെ ഞാന്‍ കേള്പിക്കുകയാണ്.

              ............ വരാനിരിക്കുന്ന 50 വര്‍ഷത്തിനുള്ളില്‍ ഇന്ന് ലോകത്തിനു നേതൃത്വം നല്‍കുന്ന  യൂറോപ് ,ആ യൂറോപ്പില്‍ ഇപ്പോള്‍ നിലകൊള്ളുന്ന സംസ്കാരം ,ഇപ്പോള്‍ അവിടെയുള്ള നാഗരികത ഇതൊന്നും തന്നെ നിലനില്‍ക്കുന്നതല്ല .ഇത് പറയുന്നത് യൂറോപ്പില്‍ നിന്ന് അവരുടെ അവസ്ഥയെ ക്കുറിച്ച് ഗവേഷണം നടത്തിയ അവിടത്തെ സാമൂഹ്യ പ്രവര്‍ത്തകരാണ്  .യൂറോപ്പ് എങ്ങനെയാണ് തിരോധാനം ചെയ്യുന്നത് എന്ന് അവര്‍ വളരെ ശാസ്ത്രീയമായി വിശദീകരിക്കുന്നു. ............(.ഒരു അടിസ്ഥാന വിഷയം ഇതാണ്).  അവിടത്തെ സന്തനോല്പാദന  അനുപാതം ഏറ്റവും കൂടിയത് 1 .8 ഉം ഏറ്റവും കുറവ് 1 .1 ഉം ആണ് . ഒരു കുടുംബം -ഒരു പുരുഷനും ഒരു സ്ത്രീയും  അവര്‍ക്ക് രണ്ടു പേര്‍ക്കും കൂടി ഒരു കുഉട്ടി ഉണ്ടായാല്‍ സന്താനോല്പാദന അനുപാതം ഒന്നാണ്. രണ്ടു കുട്ടികള്‍ ഉണ്ടായാല്‍ അനുപാതം രണ്ടാണ് ഏറ്റവും ചുരുങ്ങിയത് ഒരു നാഗരികത നിലനില്‍ക്കണമെങ്കില്‍ 2 .1 അനുപാതം ഉണ്ടാവണം .........ഈ പോയിന്റ്‌ ഒന്ന് എന്ന് പറയുന്നത് നിങ്ങള്ക്ക് മനസ്സിലാകണമെങ്കില്‍ രണ്ടു ആളുകളെ സങ്കല്പിക്കുന്നതിനു പകരം 20 കുടുംബങ്ങളെ സങ്കല്‍പ്പിച്ചാല്‍ ശരിയാകും .അതായത് 20 കുടുംബങ്ങള്‍ക്ക് നാല്പതു മക്കളെ ഉണ്ടാകുന്നുല്ലുവെങ്കില്‍ അത് നിലനില്‍ക്കുകയില്ല ,അഥവാ വര്ധിക്കുകയില്ല ഉള്ളത് അങ്ങനേ തന്നെയാണ് ,ഒരു ചെറിയ വര്ധനവിന്നു ആണ് പോയിന്റ് ഒന്ന് എന്ന് പറയുന്നത് അഥവാ പത്തില്‍ ഒന്ന് കൂടണം .അതായത് നാല് മക്കള്‍ കൂടി ഉണ്ടാവണം അപ്പോളെ വര്‍ധനവ്‌ ഉണ്ടാകുന്നുള്ളൂ .

                               31   രാഷ്ട്രങ്ങള്‍ ചേര്‍ന്നതാണ് യൂര്‍പ്യന്‍ യൂണിയന്‍  .ഈ 31 രാജ്യങ്ങളില്‍ ഇപ്പോഴത്തെ സന്താനോല്പാദന അനുപാതം 1 .38 ആണ് .അതായതു അവര്‍ക്ക് 10 കുടുംബങ്ങളില്‍ 13  മക്കളെ ഉണ്ടാകുന്നുള്ളൂ  ഈ മാതാ പിതാക്കള്‍ മരിച്ചു കഴിഞ്ഞാല്‍ കുട്ടികളുടെ എണ്ണത്തില്‍ ജനസംഖ്യ കുറഞ്ഞു എന്നര്‍ത്ഥം. നമുക്ക് ഒന്ന് കൂടി മനസ്സിലാകും നമ്മുടെ പഴയ സൂത്രവാക്യങ്ങള്‍ പരിശോധിച്ചാല്‍ . നാം ആദ്യം പറഞ്ഞു : നാം രണ്ടു നമുക്ക് മൂന്നു. പിന്നെ പ്പറഞ്ഞു നാം രണ്ടു നമുക്ക് രണ്ടു .ഇപ്പോള്‍ കേള്‍ക്കുന്നത് നാം രണ്ടു നമുക്ക് ഒന്ന് ........ആപറയുന്നതിന്റെ അര്‍ഥം ഓരോ തലമുറ കഴിയുമ്പോഴും നമുക്ക് പകുതിയായി ചുരുങ്ങാം എന്നാണു.

യൂറോപ്പില്‍ ഇസ്ലാം ശക്തിയായി പ്രച രിച്ചുകൊണ്ടിരിക്കുന്നു. പ്രചരിക്കുന്നത് രണ്ടു രീതിയിലാണ്. ഒന്ന്,ഇസ്ലാമില്‍ ആകൃഷ്ടരായി വരുന്ന യൂറോപ്യന്മാര്‍ .മറ്റൊന്ന് ഇസ്ലാമിന്റെ സന്ദേശവുമായി ജീവിച്ചു കൊണ്ടിരിക്കുന്ന ആളുകള്‍ തൊഴില്‍ തേടി യൂറോപ്പിലേക്ക്  താമസം മാറ്റുന്നവര്‍.ഈ രണ്ടു വിഭാഗങ്ങളും ചേര്‍ന്ന് യൂറോപ്പില്‍ മുസ്ലിങ്ങളുടെ അംഗ സംഖ്യ വര്‍ധിപ്പിച്ചു കൊണ്ടേയിരിക്കുകയാണ്.അതായതു ആകെ യൂറോപ്യന്‍ രാജ്യങ്ങളില്‍ 1 .38  ആണ് യൂറോപ്യന്മാരുടെ സന്തനോല്പാദന അനുപാതമെങ്കില്‍ മുസ്ലിങ്ങളുടെത് 8 .01 ആണ്.ഈ കണക്കു വെച്ച് കൊണ്ട് യൂറോപ്യന്‍ രാജ്യങ്ങളില്‍ ഓരോ രാജ്യങ്ങളെയും എന്നി പ്പറഞ്ഞു കൊണ്ട് (കൃത്യമായ കണക്കും കര്യവുമെല്ലാം ലിഖിത രൂപത്തില്‍ എന്റെ കയ്യിലുണ്ട്.)

ഫ്രാന്‍‌സില്‍ ഇപ്പോള്‍ ജനിക്കുന്ന കുട്ടികളില്‍ 20 വയസ്സിന്നു താഴെയുള്ള ആളുകളുടെ കണക്കു വെച്ച് ഫ്രാന്‍‌സില്‍ പൊതുവില്‍ 30 % മുസ്ലിങ്ങളാണ് തെക്കന്‍ ഫ്രാന്‍‌സില്‍ ഇത് 40 - 45 ശതമാനം വരെ ആണ് .ജര്‍മനി ഔദ്യോഗികമായി പ്രക്യപിചിരിക്കുന്നു ജനസംഖ്യാ ന്യൂനത പരിഹരിക്കാന്‍ കഴിയാത്ത ഒരു പ്രശ്നമാണ് .മുസ്ലിങ്ങള്‍ ജര്‍മനിയില്‍ ധാരാളമായി വര്‍ധിച്ചു കൊണ്ടിരിക്കുന്നതിനാല്‍ അടുത്ത 20 -25  കൊല്ലത്തിനുള്ളില്‍ മുസ്ലിങ്ങള്‍ ഭൂരിപക്ഷമാകും. നാം സംസാരിച്ചു കൊണ്ടിരിക്കുന്ന ഈ രാഷ്ട്രങ്ങളെല്ലാം ജനാധിപത്യത്തില്‍ വിശ്വസിക്കുന്നവരാകയാല്‍ അവിടെ 50 ശതമാനം എന്ന് പറഞ്ഞാല്‍ രാഷ്ട്രത്തിന്റെ ഭാഗധേയം നിര്‍ണ്ണയിക്കുന്നതില്‍ കാര്യമായ പങ്കുള്ളവരായി അവര്‍ മാറും .60  ശതമാനമായാല്‍ അവരാണ് ഭാഗധേയം നിര്‍ണയിക്കുക . ഹോളണ്ട് ഈ കാര്യത്തില്‍ വളരെ മുന്നിലാണ് .ബെല്‍ജിയം അത് പോലെ തന്നെ വളരെ വേഗം മുസ്ലിം ജനസംഖ്യ വര്‍ധിച്ചു കൊണ്ടിരിക്കുന്നു. റഷ്യയില്‍ ഇപ്പോള്‍ 23 മില്യന്‍ അതായത് 2 കോടി 30 ലക്ഷം മുസ്ലിങ്ങള്‍ ,റഷ്യന്‍ പട്ടാളത്തില്‍ 40 %മുസ്ലിങ്ങള്‍ ആണ് ഏതാണ്ട് 15 - 20 കൊല്ലം ആകുമ്പോഴേക്കു മുസ്ലിങ്ങള്‍ അവിടെയും ഭൂരിപക്ഷമാകും
                                               ഇങ്ങനെ യൂറോപിയന്‍ രാജ്യങ്ങളെ എന്നിയെന്നി പ്പറയുന്ന ഒരു കണക്കു നമ്മുടെ മുമ്പിലിരിക്കുന്നു.കാനഡയും യു എസ് എ യും  ഇതിന്നപവാദമല്ല. അവിടെയും മുസ്ലിങ്ങള്‍ ആണ് എണ്ണത്തില്‍ വര്‍ധിച്ചു കൊണ്ടിരിക്കുന്നത്.ഇന്ന് ലോകത്തിന്റെ  നിയന്ത്രണം യൂറോപ്പിന്റെ കയ്യിലാണ് എന്ന് നമുക്കറിയാം.ആ നിയന്ത്രണം ഭാവിയില്‍ മുസ്ലിങ്ങളുടെ കയ്യിലീക്ക് വരാനുള്ള സാധ്യത ,അതിനെ ക്കുറിച്ച് പടിഹയാലുകള്‍ വിശദമായി പറയുന്നു.ഇത് മനം മറ്റൊരു കാര്യത്തോട് കൂടി ചേര്‍ത്ത് വായിക്കേണ്ടതാണ്.ലോകത്ത് മനുഷ്യരുടെ ദിമോഗ്രഫി,മനുഷ്യരുടെ അവസ്ഥയെ കുറിച്ചുള്ള പഠനം നടത്തിയിട്ട് ആ പഠനത്തിലൂടെ ഏറ്റവും കൂടുതല്‍ പ്രചരിക്കുന്ന മതം ഇതാണ് എന്ന് പരിശോധിച്ചപ്പോള്‍ അത് ഇസ്ലാം ആണ്.ലോകത്ത് ഏതെങ്കിലും ഒരു പ്രടെഷത്തല്ല,മുഴുവന്‍ ലോകത്തും പ്രചരിച്ചു കൊണ്ടിരിക്കുന്നതും ഇസ്ലാം ആണ് .
ഇന്ഗ്ലാണ്ടില്‍ ഉള്ള ആയിരം പള്ളികളില്‍ അധികവും ക്രിസ്ത്യാനികള്‍ തങ്ങള്‍ക്കു ന്വേണ്ട എന്ന് തീരുമാനിച്ചു വിറ്റഴിച്ചപ്പോള്‍ മുസ്ലിങ്ങള്‍ വാങ്ങിയെടുത്ത ചര്‍ച്ചുകള്‍ ആണ്. ആരാധനയ്ക്ക് ആളുകള്‍ വരാതെ വര്‍ഷങ്ങള്‍ കഴിയുമ്പോള്‍ തകര്‍ന്നു പോകാതിരിക്കാന്‍ അതിന്റെ ഉടമസ്ഥര്‍ ചിന്തിക്കും ഇത് വിട്ടു കളയാം.ഏറ്റവും അവസാനം ഒരു ചര്ചിനെ ക്കുറിച്ചുള്ള വില്പനയുടെ  ചര്‍ച്ച വായിക്കുകയുണ്ടായി.  അത് വാങ്ങാന്‍ വന്നത് ഒരു കാബറെ സെന്ടരുണ്ടാക്കാന്‍ ഉദ്ദേശിച്ച ഒരാളായിരുന്നു. ഇത് മനസ്സിലാക്കിയ സഭയുടെ ഉത്തരവാദിയായ മനുഷ്യന്‍ പറഞ്ഞു : നിങ്ങള്ക്ക് ഞങ്ങളിത് വില്‍ക്കുകയില്ല. മറുഭാഗത്ത്‌ രണ്ടാമത് കച്ചവടം പറഞ്ഞിരുന്നത് ,പള്ളിയുണ്ടാക്കാന്‍ എന്നാ ആവശ്യവുമായി    മുസ്ലിങ്ങള്‍ ആയിരുന്നു.നിഷ നര്തന കേന്ദ്രം ഉണ്ടാക്കുന്നതിനെക്കാള്‍ നല്ലത് പള്ളിയുണ്ടാക്കലാണ് നല്ലത് എന്ന് തീരുമാനിച്ചു കൊണ്ട് മുസ്ലിങ്ങള്‍ക്ക്‌ വിട്ടു.
                                               ഇന്ന് ഇന്ഗ്ലന്റില്‍ ആകെക്കൂടിയുള്ള   ക്രിസ്ത്യാനികളില്‍ ക്രിസ്തു മതത്തില്‍ വിഒശ്വസിക്കുകയും അത് ജീവിതത്തില്‍ പകര്‍ത്തുകയും ചെയ്യുന്നവര്‍ ഇസ്ലാം മതത്തില്‍ വിശ്വസിച്ചു അത് പ്രാവര്‍ത്തികമാക്കുന്നവരെക്കാള്‍ കുറവാണ് എന്ന് ഉത്തരവാദപ്പെട്ട ഒരു ക്രിസ്തീയ നേതാവ് പ്രക്യാപിച്ചു.ജനിച്ചു വളര്‍ന്നു കിട്ടിയ മതമാണ്‌.പഠിച്ചു സ്വീകരിച്ച  മതമല്ല; അത് കൊണ്ടാവര്‍ക്ക് വേണ്ട .തെക്കന്‍ ഫ്രാന്‍സില്‍ ഇപ്പോള്‍ ചര്ചിനെക്കള്‍ കൂടുതല്‍ പള്ളികള്‍ ഉണ്ട് എന്ന് പറയുന്ന കൂട്ടത്തില്‍ തന്നെ ആ ചര്‍ച്ചുകള്‍ ആണ് പള്ളികള്‍  ആയി മാറിയത് എന്ന് സൂചിപ്പിക്കട്ടെ .ഇസ്ലാമിന്റെ വളര്‍ച്ചയും ഇസ്ലാമാല്ലത്തതിന്റെ തളര്‍ച്ചയും എങ്ങനെയാണ് സംഭവിച്ചു കൊണ്ടിരിക്കുന്നത് എന്ന് എന്റെ പ്രിയപ്പെട്ട സഹോദരന്മാര്‍ സഹോദരികള്‍ മനസ്സിലാക്കാന്‍ വേണ്ടിയാണ് ഇത്രയും കാര്യങ്ങള്‍ ഞാന്‍ പറഞ്ഞത്.ഇസ്ലാം ഭാവിയില്‍ തീര്‍ച്ചയായും വളരും .ഒരു വശത്ത് നാം പ്രവചനങ്ങള്‍ കാണുന്നു.പരിശുദ്ധ ഖുരനിന്റെ പ്രവചനങ്ങള്‍ കാണുന്നു.മുഹമ്മദ്‌ നബിയുടെ പ്രവചനങ്ങള്‍ കാണുന്നു.  

                            

സമീപനത്തിന്റെ പ്രശ്നം :

സമീപനത്തിന്റെ പ്രശ്നം :

പ്രവാകകന്റെ(സ) ഏറ്റവും പ്രിയപ്പെട്ട ഒരു സഹാബിയെ കുറിച്ച് ആദം എപ്പോഴും എന്നേ ഓര്‍മിപ്പിക്കാറുണ്ടായിരുന്നു. മദ്യപാനം കൈയൊഴിക്കാന്‍ അദ്ദേഹം അശക്തനായിരുന്നുവെങ്കിലും, അയാളുടെ സ്വഭാവം അവിടുന്ന് അംഗീകരിച്ചിരുന്നില്ലെങ്കിലും, അല്ലാഹുവെയും ദൂതനെയും സ്‌നേഹിക്കുന്നവനാണയാള്‍ എന്ന് തനിക്ക് അറിയാമെന്ന് അവിടുന്ന് പറയാറുണ്ടായിരുന്നു. ഈ ഒരൊറ്റ കുറ്റത്തിന്റെ പേരില്‍ അദ്ദേഹത്തെ ശപിച്ചിരുന്ന അനുയായികളെ അവിടുന്നു ശകാരിക്കുകയും ചെയ്തിരുന്നു. ഒരാളുടെ ബാഹ്യമായ ഒരു ന്യൂനത, അയാളുടെ ആന്തരിക നന്മയുടെയും ദൈവ സാമീപ്യത്തിന്റെയും മാനദണ്ഡമായി എടുത്തു കൂടെന്നു, ഈ മദ്യപാനിയിലൂടെ അവിടുന്ന് സമൂഹത്തെ പഠിപ്പിക്കുകയായിരുന്നു. ആദമിലൂടെ ഈ പാഠം അല്ലാഹു എന്നെ പഠിപ്പിച്ചു. ....................................................................................................................................................................................................................................................
കുറ്റക്കാരെന്ന് നാം കരുതുന്നവരെ പലപ്പോഴും നാം അവജ്ഞയോടെ വീക്ഷിക്കുന്നു. ഒരു പക്ഷെ, അവര്‍ ചൂതാട്ടക്കാരായിരിക്കും, മദ്യപാനികളായിരിക്കും, വ്യഭിചാരികള്‍ പോലുമായിരിക്കും. എന്നാല്‍, ധാര്‍മിക രോഷത്താല്‍, നാം പ്രകടിപ്പിക്കുന്ന അഹങ്കാരം, ദൈവിക ദൃഷ്ടിയില്‍, ഒരു പക്ഷെ, അത്തരക്കാര്‍ ചെയ്ത കുറ്റത്തേക്കാള്‍ മോശമായിരിക്കുമെന്ന കാര്യത്തെ കുറിച്ച് നാം ബോധവാന്മാരല്ല. സര്‍വജ്ഞന്‍ അല്ലാഹു ആയിരിക്കെ, ഒരു ആത്മാവിന്റെ മൂല്യം അളക്കാന്‍ നാം ആരാണ്? ഒരു വേശ്യക്ക്, മുഴു കുടിയന്ന്, വ്യഭിചാരിക്ക് അല്ലാഹു പൊറുത്തു കൊടുത്തുവെന്ന് പ്രവാചക ശ്രേഷ്ഠന്‍(സ) നമ്മെ പഠിപ്പിക്കുന്നു. ഈ സാമൂഹ്യ ഭൃഷ്ടരെല്ലാം സമൂഹത്തെ അമ്മാനമാടുകയായിരുന്നുവെന്നത് ശരി തന്നെ. പക്ഷെ, അനുതാപമുള്ളവരും അല്ലാഹുവോടും പ്രവാചകനോടും സ്‌നേഹം പുലര്‍ത്തുന്നവരുമായിരുന്നു അവര്‍. അത് അവരുടെ സ്രഷ്ടാവിന്നു മാത്രമെ അറിയുകയുള്ളുവെന്ന് മാത്രം. (അവലംബം ഇസ്ലാം ഓണ്‍ ലൈവ് )
http://www.islamonlive.in/story/2013-06-13/1371118374-2411186

മത്സര വേദി

ഭൂമി കര്മങ്ങല്കുള്ള മത്സര വേദിയാണ്.മത്സര വേദിയിൽ പ്രവേശിക്കാൻ എൻട്രി ഫോം ഉണ്ട്.തന്നെ സൃഷ്ടിചു സംരക്ഷിച്ചു പരിപാലിച്ചു കൊണ്ടിരിക്കുന്ന തന്റെ നാഥനെയും തന്റെ മാര്ഗ ദര്ഷനത്തിന്നും സംസ്കരണത്തിനും ആയി കാലാകാലങ്ങളിൽ അവൻ അയച്ച പ്രവാചകന്മാരുടെ അവസാന കണ്ണിയായ മുഹമ്മദ്‌ നബിയേയും അംഗീകരിക്കുകയും അത്  പ്രഖ്യാപിക്കുകയും ചെയ്യുന്ന ശഹാദത്  കലിമയുടെ (സത്യാ സാകഷ്യ  വചനം ) ഉച്ചാരണം . അതോടെ മത്സരവേദിയിൽ അയാള് അങ്ങമായി. അങ്ങമായി എന്നതിന്റെ പ്രകടവും പ്രത്യക്ഷവുമായ തെളിവായി 5 നേരം അയാള് സ്രഷ്ടാവിന്റെ മുമ്പിൽസുജൂദിൽ വീഴണം അഥവാ വിധേയത്വത്തിന്റെ പ്രഥമ അടയാളം .അവിടം മുതൽ ജീവിതാന്ത്യം വരെ മത്സരം തന്നെ മത്സരം. .വിജയികള ഫസ്റ്റ്, സെക്കന്റ്‌, തേർഡ് പദവികൽക്കു  അര്ഹരാണ് . എല്ലാവര്ക്കും ഒറ്റ രീതിയിലുള്ള മത്സരം അല്ല. ഓരോരുത്തരുടെയും കഴിവും പ്രാപ്തിയും പരിഗണിച്ചുള്ള മത്സരം പക്ഷെ അത് അവരവര് തെരഞ്ഞെടുക്കുന്നതാണ് .അവസാനം റിസൾട്ട്‌ പ്രഖ്യാപിക്കുമ്പോൾ ഫസ്റ്റ് സാബിഖുൻ ബില് ഖൈരാത്, സെക്കന്റ്‌ മുഖ്‌തസ്വിദ് , തേർഡ് ളാലിമുൻ ലിനഫ്സിഹി എന്നിങ്ങനെ വരും .ഈ മത്സര വേദിയിൽ അനവധി അവസരങ്ങൾ സൃഷ്ടിക്കപ്പെട്ടിട്ടുണ്ട് .സഹോദരനോടുള്ള പുഞ്ചിരി , വഴിയിലുള്ള ഉപദ്രവം നീക്കൽ , ഉപകാരം ചെയ്തില്ലെങ്കിലും ഉപദ്രവിക്കാതിരിക്കാനെങ്കിലും കഴിയൽ,നല്ല സംസാരം തുടങ്ങി ചെറുതും വലുതുമായ അനവധി സന്ദർഭങ്ങൾ . എന്തിനേറെ സത്യ സന്ധമായ ഒരു ലക്‌ഷ്യം വെക്കൽ പോലും (പ്രവൃത്തി പദത്തിൽ കൊണ്ട് വരാനായില്ലെങ്കിലും)ഗ്രേഡ് മാറ്റത്തിന്‌ പരിഗണിക്കാൻ കാരണമാകും . എത്ര ചെയ്തു എന്നതിനേക്കാൾ എന്ത് ചെയ്തു ,എങ്ങനെ ചെയ്തു ,എന്തിനു വേണ്ടി ചെയ്തു എന്നതാണ് മര്മപ്രധാനം. അത് കൊണ്ട് വേദിയിലെ അംഗങ്ങളെ , ജാഗരൂകരാകുവിൻ ,കഴിവിണ്‍ പടി രംഗത്ത് വരുവീൻ ,,,,,,,,,അങ്ങത്വം എടുതിട്ടില്ലാത്തവർ അങ്ങത്വത്തിനു പരിശ്രമിക്കുവീൻ

ഒരനുഭവം

വര്‍ഷങ്ങള്‍ക്ക് മുമ്പ് തലശ്ശേരിയിലെ എന്റെ വീട്ടില്‍ കെ.എം മൗലവി, സീതിസാഹിബ്, നെല്ലിയില്‍ അബൂബക്കര്‍ ഹാജി, കുട്ട്യാമു സാഹിബ് തുടങ്ങിയ നേതാക്കള്‍ പങ്കെടുത്ത ഐക്യസംഘത്തിന്റെ (മുജാഹിദ്) ഒരു കമ്മിറ്റി യോഗം നടക്കുകയായിരുന്നു.

നമസ്‌കാര സമയമായപ്പോള്‍ കെ.എം മൗലവി സാഹിബിന്റെ നേതൃത്വത്തില്‍ എല്ലാവരും നമസ്‌കരിച്ചു. ഒന്നാമത്തെ റക്അത്തില്‍ കൈ നെഞ്ചത്ത് വെച്ചും (സലഫി), രണ്ടാമത്തെ റക്അത്തില്‍ കൈ നെഞ്ചിനു താഴെ വെച്ചും (ശാഫിഈ), മൂന്നാമത്തെ റക്അത്തില്‍ പൊക്കിളിനു താഴെ വെച്ചും (ഹനഫി), നാലാമത്തേതില്‍ കൈകെട്ടാതെയുമാണ് (മാലിക്, ഹമ്പലി) കെ.എം മൗലവി നമസ്‌കരിച്ചത്. വളരെ ചെറിയ കുട്ടിയായിരുന്ന ഞാന്‍ ഈ രീതിയെപ്പറ്റി മൗലവി സാഹിബിനോട് ചോദിച്ചപ്പോള്‍ 'ശാഫിഈ, അബൂഹനീഫ, മാലിക് എന്നീ മഹാ പണ്ഡിതന്മാരുടെ അഭിപ്രായങ്ങള്‍ക്കനുസരിച്ചാണ് നമസ്‌കരിച്ചത്. അവരെ നാം ധിക്കരിക്കാന്‍ പാടില്ലല്ലോ' എന്ന മറുപടിയാണ് ലഭിച്ചത്.....................(പ്രബോധനം വാരിക നവംബര്‍ 17 ലക്കം 23, കത്തുകള്‍ .ഡോ. എം.പി അബൂബക്കര്‍ - അഡീഷ്‌നല്‍ ഡയറക്ടര്‍(ഹെല്‍ത്ത്, രാമനാട്ടുകര )

                            ഈ പരാമര്‍ശം  വായിച്ചപ്പോള്‍ എന്റെ ജീവിതത്തിലെ ഒരനുഭവം പങ്കു വെക്കണം എന്ന് തോന്നുകയാണ്. ഞാന്‍ വാടാനപ്പള്ളി ഇസ്ലാമിയ കോളേജില്‍ വിധ്യാര്തിയ്യയിരിക്കുന്ന കാലം (1975-1980) സ്ഥാപനത്തിന്റെ നിര്‍മാണത്തിനു തുടക്കം കുറിക്കുകയും വളര്‍ച്ചയില്‍ അനല്പമായ പങ്കു വഹിക്കുകയും ആദ്യകാല പ്രിന്‍സിപ്പല്‍ ആയി സേവനം അനുഷ്ടിക്കുകയും ചെയ്ത വീ. പി കുഞ്ഞുകുഞ്ഞു മൊയ്ദീന്‍  കുട്ടി സാഹിബ്‌ (അള്ളാഹു അദ്ദേഹത്തിനു ദീര്‍ഘായുസ്സും ആരോഘ്യവും നന്മകളും നല്‍കി അനുഗ്രഹിക്കട്ടെ ) അന്ന് ഇങ്ങനെ നാല് റക്അത്തഉകളില്‍ നാല് വിധത്തില്‍ കൈകള്‍ വെക്കുന്നത് എന്റെ ശ്രദ്ധയില്‍ പെട്ടിട്ടുണ്ട്. പക്ഷെ അന്നത്തെ വിദ്യാര്‍ഥി മാനസികാവസ്ഥയില്‍ അധെഹത്തോട് അത് ചോദിച്ചറിയാന്‍ ശ്രമിച്ചിട്ടില്ലെങ്കിലും പില്‍കാല വിഞാനിക വികാസത്തില്‍ അദ്ദേഹം  ഈ കെ എം  മൌലവിയും മറ്റു നവോത്തന കാലഘട്ടത്തിലെ പണ്ഡിതന്മാരും ഒക്കെ ചെയ്തത് തന്നെയാണ് ചെയ്തത് എന്ന് തിരിച്ചറിയാന്‍ പ്രയാസമുണ്ടായില്ല.

അവിടത്തെ കോര്‍സ് കഴിഞ്ഞു ഞാന്‍ ജോലി ആവശ്യാര്‍ത്ഥം കാക്കനാട് പ്രദേശത്ത് എത്തി.അവിടെസിവില്‍ സ്റ്റേഷന്നു  സമീപമുള്ള  മസ്ജിദുല്‍ ഹുദയില്‍ പള്ളിക്കര സെയ്ദ് സഹിബി(മര്‍ഹൂം )നോടൊപ്പം മദ്രസ്സ അധ്യാപകനായും പള്ളി ഇമാമായും ജോലിയില്‍ പ്രവേശിച്ചു.
ആദ്യ ദിവസങ്ങളില്‍ ഞാന്‍ നമസ്കാരാനന്തരം കൂട്ട പ്രാര്‍തന നടത്തിയില്ല .സുബുഹിയില്‍ കുനൂത്തു ഒതിയില്ല ......മൂന്നാം ദിവസം എനിക്ക് ഒരു കാര്യം വ്യക്തമായി .പിന്നില്‍ ആളുടെ എണ്ണം കുറയുന്നു എന്ന്.ഞാന്‍ രണ്ടു മൂന്നു പേരോട് കാര്യങ്ങള്‍ അന്വേഷിച്ചു.കൂട്ടപ്രാര്തനയും ഖുനൂതും ഇല്ലാത്തതാണ് ആളുകള്‍  പിന്‍വലിയാന്‍ കാരണം എന്നവര്‍ പറഞ്ഞു. ഞാന്‍ ഓരോരുത്തരെയും കണ്ടു അതാണ്‌ പ്രശ്നമെങ്കില്‍ അതിന്റെ പേരില്‍ നിങ്ങള്‍ വരാതിരിക്കരുതെന്നു ആവശ്യപ്പെടുകയും ഖുനൂതും കൂട്ട പ്രാര്തനയും ആരംഭിക്കുകയും ചെയ്തു. തുടര്ര്നു ഏതാനും നാളുകള്‍ക്കു ശേഷം ഇതേ ആളുകള്‍ തന്നെ കൂട്ട  പ്രാര്‍ത്ഥന ഇല്ലാതെയും ഖുനൂത് ഇല്ലാതെയും എന്റെ പിന്നില്‍ നമസ്കരിക്കാന്‍ പാകത്തില്‍ അവര്‍ക്ക് ഞാന്‍ കാര്യങ്ങള്‍ ധരിപ്പിച്ചു.

ഇത് പോലെ തന്നെ തരാവീഹു നമസ്കാരം .....എന്റെ ആദ്യകാലങ്ങളില്‍ ഇരുപത്തിമൂന് റക്അത്തില്‍ ആണ് നമസ്കരിച്ചത്. രണ്ടു മൂന്നു വര്‍ഷങ്ങള്‍ക്കു ശേഷം ഒരു റമദാനില്‍ ഞാന്‍ എല്ലാവരോടുമായി അനുവാദത്തോടെ പതിനൊന്നു റക്അത്തില്‍ നമസ്കാരം നിര്‍വ്വഹിച്ചു . പിന്നെ ആളുകള്‍ക്ക് ഈ പതിനൊന്നില്‍ തുടര്‍ന്നാല്‍ മതി എന്നായി. ഞാന്‍ അവിടം വിടുന്നത് വരെ കൂട്ടപ്രാര്‍ത്ഥന ഇല്ലാതെയും ഖുനൂത് ഇല്ലാതെയും തരാവീഹു പതിനോന്നായും തന്നെയാണ് നിര്‍വഹിച്ചത് .അവിടെയും ഉണ്ടായ ഒരു ദുരനുഭവം റമദാനിലെ വിത്രില്‍ ഖുനൂത് ഓതി എന്നതിന്റെ പേരില്‍ പിരിഞ്ഞു പോയ മുജാഹിദ് സുഹ്ര്തുക്കളില്‍ നിന്നുള്ളതാണ് .

'ഞാനും നമ്മളും'

'ഞാനി'ല്‍ നിന്നും 'നമ്മളി'ലേക്ക്

by: 

ശൈഖ് മുഹമ്മദ് കാരകുന്ന്

in: 

• Columns

  |  10. Jul, 2012

പ്രകാശരേഖ

ചിനു അക്വബെയുടെ 'സര്‍വ്വം ശിഥിലമാകുന്നത്' എന്ന നോവലിലെ ഇച്ചെണ്ടു പ്രാര്‍ഥിച്ചത് ഇങ്ങിനെയാണ്. 'ഞങ്ങള്‍ പണം വേണമെന്ന് അപേക്ഷിക്കുന്നില്ല. എന്തെന്നാല്‍ ആരോഗ്യവും സന്തതികളും ഉള്ള ആള്‍ക്ക് സമ്പത്ത് ഉണ്ടായിരിക്കും. കൂടുതല്‍ പണം വേണമെന്നല്ല, കൂടുതല്‍ സ്വന്തക്കാര്‍ വേണമെന്നാണ് പ്രാര്‍ഥിക്കുന്നത്. ബന്ധുക്കള്‍ ഉള്ളതു കൊണ്ടാണ് നമ്മള്‍ മൃഗങ്ങളെക്കാള്‍ ശ്രേഷ്ടരായിരിക്കുന്നത്. ഒരു മൃഗം വേദനയുള്ള ഭാഗം മരത്തില്‍ ഉരസുമ്പോള്‍ മനുഷ്യര്‍ അയാളുടെ ബന്ധുവിനോട് തടവിക്കൊടുക്കുന്നതിന് ആവശ്യപ്പെടും. (ഉദ്ദരണം: കെ.ഇ.എന്‍ സംസ്‌കരാരത്തിലെ സംഘര്‍ഷങ്ങള്‍)
'വിപത്ത് ഒരവയവത്തെ ബാധിക്കുമ്പോള്‍ മറ്റവയവങ്ങള്‍ക്ക് വെറുതെയിരിക്കാന്‍ കഴിയില്ല. മറ്റുള്ളവരുടെ ദുരിതത്തില്‍ നിങ്ങള്‍ക്ക് സഹാനുഭൂതിയില്ലെങ്കില്‍ നിങ്ങള്‍ മനുഷ്യനെന്ന പേരിന് അര്‍ഹനല്ല'
ദക്ഷിണാഫ്രിക്കയിലെ വര്‍ണ്ണവിവേചനത്തിനെതിരെ മര്‍ദ്ദിതരുടെ മോചനത്തിനായി പൊരുതിയതിന്റെ പേരില്‍ മുപ്പതോളം കൊല്ലം ജയിലില്‍ കഴിയേണ്ടി വന്ന നെല്‍സണ്‍ മണ്ഡേലയുടെ മുമ്പില്‍ ഭരണകൂടം ജയില്‍ മോചനത്തിനായി സമര്‍പ്പിച്ച നിബന്ധനകള്‍ നിരാകരിച്ചു കൊണ്ട് അദ്ദേഹം പ്രഖ്യാപിച്ചു:'ദക്ഷിണാഫ്രിക്കന്‍ സമൂഹത്തിന് സമ്പൂര്‍ണ സ്വാതന്ത്ര്യം യാഥാര്‍ഥ്യമാകുന്നത് വരെ സര്‍ക്കാറിന്റെ സന്ധിവ്യവസ്ഥകള്‍ സ്വീകരിക്കുവാനോ അധികാരി വര്‍ഗവുമായി അനുരഞ്ജനത്തിലേര്‍പ്പെടാനോ എനിക്ക് സാധ്യമല്ല. എന്റെ സ്വാതന്ത്ര്യം സമൂഹത്തിന്റെ സ്വാതന്ത്ര്യമാണ്. അതിലുള്ള വിവേചനം എനിക്ക് അസഹ്യമാണ്.'
'എന്റെ ജയില്‍ മോചനത്തിന് വേണ്ടി ദക്ഷിണാഫ്രിക്കന്‍ ജനതയുടെ അവകാശങ്ങള്‍ അവഗണിക്കാനോ സര്‍ക്കാറുമായി വിലപേശാനോ ഞാന്‍ സന്നദ്ധനല്ല. എന്റെ ജനത നിന്ദ്യത സഹിക്കുന്നതിലേറെ ജയിലിലെ മരണമാണെനിക്കഭികാമ്യം.'
'ഞാന്‍' എന്ന പദം സ്വന്തത്തെയും സ്വാര്‍ഥതയെയും പ്രതിനിധീകരിക്കുന്നു. അത് വ്യക്തിയുടെയും അവന്റെ അഹംബോധത്തിന്റെയും പ്രതീകമാണ്. 'നമ്മള്‍' സമൂഹത്തെതും സാമൂഹ്യമനസ്സിനെയും പ്രകാശിപ്പിക്കുന്നു. മുഴുവന്‍ മനുഷ്യരിലും ഇരുവികാരങ്ങളുമുണ്ടായിരിക്കും. അനുപാതങ്ങളിലേ അന്തരമുണ്ടാവുകയുള്ളൂ. ചിലതിലെ 'ഞാന്‍' 'നമ്മളെ' നിശ്ശേഷം നശിപ്പിക്കുന്നതാണ്. മറ്റു ചിലരിലെ 'ഞാന്‍' നമുക്ക് വഴിമാറിക്കൊടുക്കുന്നു. എന്നാല്‍ സമൂഹത്തിന് വേണ്ടി സ്വന്തം താല്പര്യങ്ങള്‍ സമര്‍പ്പിക്കാന്‍ സന്നദ്ധമാവുന്നവര്‍ വളരെ വിരളമായിരിക്കും. ഏറെപ്പേരും 'ഞാനിന്റെ' അവശിഷ്ടം മാത്രം 'നമ്മള്‍ക്ക്' നല്‍കുന്നവരായിരിക്കും.
മറ്റുള്ളവരുടെ സുഖ ദു:ഖങ്ങളും സന്തോഷ സന്താപങ്ങളും നേട്ടകോട്ടങ്ങളും തന്റെതായി അനുഭവിക്കപ്പെടുന്ന സാമൂഹികാവബോധമുള്ളവര്‍ക്ക് മാത്രമേ സ്വാര്‍ഥമോഹങ്ങളുടെ തടവറകളില്‍ നിന്ന് മോചനം നേടാന്‍ കഴിയുകയുള്ളൂ. സമൂഹത്തിന്റെ സ്വാതന്ത്ര്യത്തിന് വേണ്ടി സ്വന്തം സ്വാതന്ത്ര്യം ത്യജിക്കാനും യുദ്ധമില്ലാത്ത ലോകത്തിനായി അന്തരംഗത്തെ യുദ്ധക്കളമാക്കാനും ശാന്തത നിറഞ്ഞ നാളെയുടെ നിര്‍മ്മിതിക്ക് അശാന്തി അനുഭവിക്കാനും വരും തലമുറയുടെ വിജയത്തിനായി ത്യാഗം അനുഭവിക്കാനും അത്തരക്കാര്‍ക്കേ സാധിക്കുകയുള്ളൂ. അവ്വിധമുള്ള ആളുകളുടെ ആധിക്യത്തിലാണ് സമൂഹത്തിന്‍രെ സമുന്നതിയും നാടിന്റെ നേട്ടവും നിലകൊള്ളുന്നത്.
'നമ്മള്‍ക്ക'് വേണ്ടി 'ഞാനിനെ' കുരുതികൊടുക്കാന്‍ കഴിയുന്ന കുറെയാളുകളെങ്കിലുമില്ലാത്ത രാഷ്ട്രവും ജനതയും അതിവേഗം തളര്‍ന്ന് തകര്‍ന്ന് പോകും. മനുഷ്യരാശി ഇന്നനുഭവിക്കുന്ന സകലവിധ സുഖസൗകര്യങ്ങളും ലോകം നേടിയ നിഖില നേട്ടങ്ങളും സ്വാര്‍ഥത്തെ തോല്‍പിച്ച സാമൂഹ്യബോധത്തിന്റെ സംഭാവനകളത്രെ.
ഇസ്്‌ലാം മനുഷ്യനെ സ്വാര്‍ഥതയില്‍ നിന്ന് സാമൂഹികതയിലേക്ക് നയിക്കുന്നു. അതിലെ ആരാധനാ കര്‍മ്മങ്ങളും പ്രാര്‍ഥനകളും മനുഷ്യനെ 'ഞാനി'ല്‍ നിന്ന് നമ്മളിലേക്ക് നയിക്കുന്നു. അഞ്ചു നേരത്തെ നമസ്‌കാരങ്ങളിലെ എല്ലാ നിര്‍ബന്ധ പ്രാര്‍ഥനകളും 'ഞങ്ങള്‍' ക്ക് വേണ്ടിയാണ്. 'എനിക്ക്' വേണ്ടിയല്ല. അവയിലൊന്ന് ആദിമനുഷ്യന്‍ മുതല്‍ ലോകാവസാനം വരെയുള്ള എല്ലാ നാടുകളിലും തലമുറകളിലെയും സച്ചരിതരായ മുഴുവന്‍ ആളുകളുടെയും സമധാനത്തിനും രക്ഷക്കും വേണ്ടിയുള്ളതാണ്. ഇങ്ങനെ ഇസ്‌ലാം വിശ്വാസിയെ കാല, ദേശ, വര്‍ഗ, വര്‍ണദേതങ്ങള്‍ക്കധീതനായ വിശ്വപൗരനാക്കി മാറ്റുന്നു.

സ്നേഹസ്വരൂപനായ ദൈവം

.......................സ്നേഹസ്വരൂപനായ ദൈവത്തെയാണ് വേദ ഗ്രന്ഥങ്ങള്‍ നമുക്ക് പരിചയപ്പെടുത്തിത്തന്നത്‌ .ഖേദകരമെന്ന് പറയട്ടെ നാം മനസ്സിലാക്കിയ ദൈവം പക്ഷെ ക്രൂരനായിരുന്നു.അതിനൊരു പുരാവൃത്തമുണ്ട് .മനുഷ്യന്നു ഉപകാരപ്രദമായ അഗ്നി മോഷ്ടിച്ച് നല്‍കുക വഴി 'തെറ്റുകാരനായിത്തീര്‍ന്ന 'പ്രോമിത്യൂസിനെ നിരന്തര ശിക്ഷയ്ക്ക് വിധേയനാക്കുന്ന ഗ്രീക്ക് ഐതിഹ്യത്തിലെ ദയാരഹിതനായ ദൈവമാണ് ഇന്നും നമ്മില്‍ മഹാ  ഭൂരിപക്ഷത്തിന്റെയും വിശ്വാസത്തെ സ്വാധീനിക്കുന്നത്! .ഒപ്പം എക്കാലത്തെയും പൌരോഹിത്ത്യം പൊതുജനങ്ങളില്‍ കേട്ടിയെല്പിച്ച ദൈവസങ്കല്പവും ക്രൂരതയുടെ പര്യായം ആയിരുന്നു. ഹിംസയും ശത്രുതയും കിടമത്സരങ്ങളും ആണ് ബഹുദൈവ വിശ്വാസങ്ങളുടെ മുഘാ മുദ്ര .മരുഘാഗത്തു ദൈവം ഏകനാണെന്ന് വാടിച്ചവരിലും അക്ഷന്തവ്യമ്മായ വ്യതിയാനങ്ങള്‍ ഉണ്ടായി .ചെയ്യുന്ന ഓരോ കുറ്റങ്ങള്‍ക്കും മനുഷ്യരെ കരുണാ ലെഷമെന്യേ പിടിച്ചു ശിക്ഷിക്കുന്ന ഉഗ്ര രൂപിയായ ദൈവത്തെയാണ് ചില വിശ്വാസാചാരങ്ങളില്‍ കാണുന്നതെങ്കില്‍ മകനോട്‌ എല്ലാം ക്ഷമിക്കുന്ന പിതാവിന്റെ ദൗര്‍ബല്യത്തില്‍ ദൈവസങ്കല്പത്തെ അതിവികൃതമായി അട്ടി മരിക്കുകയും പരിശുദ്ധനായ ദൈവത്തെ മനുഷ്യ പ്രകൃതിയിലേക്കും മാനുഷിക സ്വഭാവങ്ങളിള്‍ക്കും താഴ്ത്തി ക്കെട്ടുകയും ചെയ്തു മറ്റു ചിലര്‍......................
                              വിശദമായ വായനക്കും പഠനത്തിനും ജമാല്‍ കടന്നപ്പള്ളി രചിച്ചു ഇസ്ലാമിക്‌ പബ്ലിഷിംഗ് ഹൌസ് ,കോഴിക്കോട് പ്രസിദ്ധീകരിച്ച  അല്ലാഹുവിനെ സ്നേഹിക്കുക എന്ന പുസ്തകം അവലംബിക്കുക

മുസ്ലിമാണോ?...... എങ്കില്‍

                       ''മുസ്ലിങ്ങളെ ,നിങ്ങള്‍ ജീവ ധനാദികളില്‍ പരീക്ഷിക്കപ്പെടുക തന്നെ ചെയ്യും.വേദ വിശ്വാസികളില്‍ നിന്നും ബഹുദൈവാരാധകരില്‍ നിന്നും ദ്രോഹകരമായ വര്‍ത്തമാനങ്ങള്‍ നിങ്ങള്‍ കേള്‍ക്കുകയും ചെയ്യും.ഈ അവസരങ്ങളില്‍ എല്ലാം നിങ്ങള്‍ സഹനത്തിന്റെയും ദൈവ ഭക്തിയുടെയും പാതയില്‍ ഉറച്ചു നില്കുന്നുവെങ്കില്‍ അത് മഹത്തായ സാഹസമത്രെ.''( വിശുദ്ധ ഖുര്‍ആന്‍ അദ്ധ്യായം 3 : വചനം 186 )
                          ഈ വചനത്തെ വിശദീകരിച്ചു കൊണ്ട് യൂസുഫുല്‍ ഖാര്‍ദാവി തന്റെ അസ്സ്വബ്രു ഫില്‍ ഖുര്‍ആന്‍ എന്നാ ഗ്രന്ഥത്തില്‍ എഴുതുന്നു:  ''പ്രത്യേക പരാമര്‍ശം അര്‍ഹിക്കുന്ന ചില വസ്തുതകളിലേക്ക് ഈ സൂക്തം വിരല്‍ ചൂണ്ടുന്നു.

1 .                     വേദക്കാരില്‍ നിന്നും ബഹുദൈവാരാധകരില്‍ നിന്നും കേള്‍കേണ്ടി വരുന്ന ചീത്ത വാക്കുകളെ 'ധാരാളം ' എന്ന് അല്ലാഹു വിശേഷിപ്പിച്ചിരിക്കുന്നു .വിശ്വാസികളുടെ പ്രബോധന പ്രവര്‍ത്തനങ്ങളെ വികലമാക്കാനും അവരെ അപകീര്തിപ്പെടുതാനും അവരുടെ ചരിത്രത്തില്‍ സംശയങ്ങള്‍ ജനിപ്പിക്കാനുമായി ശത്രുക്കള്‍ വാചിക യുദ്ധം പ്രഖ്യാപിക്കുമെന്ന് ഇത് സൂചിപ്പിക്കുന്നു. മറച്ചു വെക്കലും മാറ്റി ത്തിരുത്തലും വ്യാജ ആരോപണം നടതലും ആണ് ഈ പോരാട്ടത്തിലെ അവരുടെ ആയുധങ്ങള്‍ .അത്തരം സന്ദര്‍ഭങ്ങളില്‍ സത്യാ വിശ്വാസികള്‍ പതറാതെ ഉറച്ചു നില്‍ക്കണം ''.

                         ഇതേ സൂക്തത്തിന്റെ തുടര്‍ച്ചയായി അല്ലാഹു തുടരുന്നു : 

''ഈ വേദവാഹകരെ,അല്ലാഹു അവരില്‍ നിന്ന് വാങ്ങിയ പ്രതിഞ്ഞ ഒന്ന് ഓര്‍മിപ്പിക്കുക. 'നിങ്ങള്‍ വേദ ഉപദേശങ്ങള്‍  ജനങ്ങള്‍ക്ക്‌ വിവരിച്ചു കൊടുക്കേണ്ടതുണ്ട്.അവ ഒളിപ്പിച്ചു വെക്കാന്‍ പാടില്ല.' പക്ഷെ അവര്‍ വേദത്തെ പുറകോട്ടു വലിച്ചെറിഞ്ഞു.തുച്ചമായ വിലക്ക് വേണ്ടി അവരത് വിറ്റു കളഞ്ഞു .എത്ര നീചമായ ഇടപാടാണ് അവര്‍ ചെയ്തു കൊണ്ടിരിക്കുന്നത്!.സ്വന്തം ചെയ്തികളില്‍ നിഗളിക്കുകയും തങ്ങള്‍ പ്രവര്ത്തിചിട്ടില്ലാത്ത

കാര്യങ്ങളുടെ പേരില്‍ സ്തുതിക്കപ്പെടനമെന്നു ആഗ്രഹിക്കുകയും ചെയ്യുന്നവര്‍ ജയിച്ചുവെന്ന് നീ ഒരിക്കലും കരുതേണ്ടതില്ല. അവര്‍ക്കായി നോവുന്ന ശിക്ഷ ഒരുക്കി വെച്ചിട്ടുണ്ട്. ആകാശ ഭൂമികളുടെ ആധിപത്യം അല്ലാഹുവിന്നുള്ളതാകുന്നു.അവന്റെ ശക്തി സകലത്തെയും ഉള്‍ക്കൊള്ളുന്നതാകുന്നു"(വിശുദ്ധ ഖുര്‍ആന്‍ അദ്ധ്യായം 3 

: വചനം 187 -189 ).

                           ' തങ്ങള്‍ പ്രവര്ത്തിചിട്ടില്ലാത്ത കാര്യങ്ങളുടെ പേരില്‍ സ്തുടിക്കപ്പെടനമെന്നു ആഗ്രഹിക്കുകയും ചെയ്യുന്നവര്‍  ' എന്നതിന്റെ വിശദീകരണത്തില്‍ മൌലാന മൌദൂദി തന്റെ വിശ്വ പ്രസിദ്ധമായ തഫ്ഹീമുല്‍ ഖുര്‍ആനില്‍ കുറിച്ചതിങ്ങനെ:  ഉദാഹരണമായി താന്‍ വലിയ ഭക്തനും പണ്ഡിതനും ധര്മിഷ്ടനും മതസേവകനും

പരിഷ്കര്താവും സമുദായ നേതാവുമൊക്കെ ആണെന്ന് പ്രകീര്തിക്കപ്പെടാന്‍ ഒരാള്‍ കൊതിക്കുന്നു ,വാസ്തവമാകട്ടെ അയാള്‍ ഇതൊന്നുമല്ല താനും .അല്ലെങ്കില്‍ തന്നെപ്പറ്റി അര്പന ബോധമുള്ളവിശ്വസ്തനും ആത്മാര്‍ഥത ഉള്ളവനുമായ 

നേതാവാണെന്നും സമുദായ സേവനത്തില്‍ അഗ്രേസരന്‍ ആണെന്നും ആളുകളെ ബോധ്യപ്പെടുത്താന്‍ ഉദ്ദേശിക്കുന്നു. കാര്യമാകട്ടെ നേര്‍ വിപരീതവും.( തഫ്ഹീമുല്‍ ഖുര്‍ആന്‍,വാല്യം 1 )

)

                           

 

ഏകദൈവത്വം,പ്രവാചകത്വം ,പരലോകം .... ഭാഗം 2

ജീവിക്കുന്ന മാതൃക   

                                                സാമൂഹ്യ ജീവിത രംഗത്ത് ലോകത്ത് ഇന്നേ വരെ മാതൃകയില്ലാത്ത ഒരു സമൂഹമായി മുസ്ലിങ്ങള്‍ മാറി .അവര്‍ സമൂഹത്തില്‍ നീതി നടപ്പാക്കി.നീതി നടപ്പാക്കുമ്പോള്‍ സ്വന്തം പുത്രന്നു എതിരാണെങ്കില്‍, സഹോദരന്നു എതിരാണെങ്കില്‍ നീതി നടപ്പാക്കാതിരുന്നവരല്ല അവര്‍   .നീതിയാണ് അവര്‍ക്ക് പ്രധാനം. അത് നാം കാണുകയാണ്.ഖലീഫ ഉമര്‍ , ഗവര്‍ണര്‍ തന്റെ മകന്‍ ചെയ്യുന്ന കൃത്യങ്ങള്‍ക് ഉത്തരവാദിയാണെന്ന് ബോധ്യപ്പെടുതിക്കൊണ്ട് ,ഗവര്‍ണരെയും മകനെയും മദീനയിലേക്ക് വിളിപ്പിച്ചു  വിചാരണ ചെയ്ത ചരിത്രം ഇന്ന് വിഖ്യാതമാണ് .അമ്രുബ്നുല്‍ ആസ് (റ)വിനെയും പുത്രനെയും അറിയാത്ത ഇസ്ലാമിക വിദ്യാര്‍ഥികള്‍ ഇല്ല.കാരണം മദീനയില്‍ വിളിച്ചു വരുത്തി പൊതുജനങ്ങളുടെ മുമ്പില്‍  വെച്ച് ഗവര്‍ണറുടെ പുത്രനെ അടിക്കൂ എന്നാണ് പറയുന്നത് .ഒരു പൌരനെ അനാവശ്യമായി പ്രഹരിച്ചതിന്റെ പേരില്‍ പകരം അടിക്കാനുള്ള നിര്‍ദേശം നല്‍കുന്നത് പരസ്യമായി ..എന്തിനു വേണ്ടി? സമൂഹത്തില്‍ നീതി നില നില്ക്കാന്‍  വേണ്ടി .ആ നീതി വളരെ വിലപ്പെട്ടതായി പരിശുദ്ധ ഖുര്‍ആന്‍ നമ്മെ പഠിപ്പിച്ചിരിക്കുന്നു .നിങ്ങള്ക്ക് ഒരു ജനതയോട്  വിദ്വെഷമുണ്ട്  എന്നത് അവരോടു നീതി ചെയ്യാതിരിക്കാന്‍ നിങ്ങളെ പ്രേരിപ്പിച്ചു കളയരുത് .ആ നീതിയാണ്  മുസ്ലിങ്ങളിലൂടെ ലോകം കണ്ടത് .

                                             ഉമ്മര്‍ (റ) പറഞ്ഞു :ഇല്ല ഞാനിവിടെ നമസ്കരിക്കുകയില്ല.ഞാനിവിടെ നമസ്കരിച്ചാല്‍ നാളെ അവിവേകികളായ മുസ്ലിങ്ങള്‍ വന്നു ഇത് ഉമറുബ്നുല്‍ ഖത്താബ് നമസ്കരിച്ച സ്ഥലമാണ് .അത് കൊണ്ട് ഇത് ഞങ്ങള്‍ക്ക് പള്ളിയാക്കണമെന്നു  ആവശ്യപ്പെടും. അദ്ദേഹം ആ ആരാധനാലയം അവര്‍ക്ക് അവരുടേതായി നില നില്‍ക്കണം എന്ന് തന്നെ ഉദ്ദേശിച്ചു കൊണ്ട് മാറി പുറത്തു പോയി നമസ്കരിച്ചു . അതാണ് നീതി.

                                            ഭരണാധികാരി തന്റെ പൌരനെ എങ്ങനെ കാണണമെന്ന് മുസ്ലിങ്ങള്‍ ലോകത്തിനു  പഠിപ്പിച്ചു ..ഉമര്‍ (റ)ബൈതുല്‍ മഖ്‌ദിസിന്റെ ജയം ആഘോഷിക്കാന്‍ പോകുന്ന സന്ദര്‍ഭത്തില്‍, യാത്രയില്‍ അവര്‍ മാറിമാറി ഉപയോഗപ്പെടുത്തിയിരുന്ന വാഹനം ഭൃത്യന്‍ ഉപയോഗപ്പെടുത്തേണ്ട ഊഴമായപ്പോള്‍ ഭൃത്യന്‍ പറഞ്ഞു:നാം ഈ പട്ടണത്തിന്റെ സമീപത്താനുള്ളത്‌ .അതുകൊണ്ട് അമീറുല്‍  മുഅമിനീന്‍,താങ്കള്‍ തന്നെ വാഹനത്തിലിരിക്കണം.ഉമറുബ്നുല്‍ ഖത്താബ് പറഞ്ഞു:അങ്ങനെ ചെയ്യാന്‍ സാധ്യമല്ല;നാം മദീനയില്‍ നിന്ന് ബൈതുല്‍ മഖ്‌ദിസ് വരെയുള്ള യാത്രയില്‍ പാലിച്ചുപോന്ന ഒരു തത്വം ,ഇത് വരെ നാം രണ്ടു പേരും നടപ്പാക്കിയ തത്വം അതിവിടെ വെച്ച് ലങ്ഘിക്കാന്‍ കഴിയുകയില്ല .താങ്കള്‍ നടന്നു ക്ഷീണിച് ഇരിക്കുകയാണ് .ഞാന്‍ ഇത് വരെ വാഹനത്തില്‍ ഇരിക്കുകയായിരുന്നു.അത് കൊണ്ട് ഞാന്‍ നടക്കും .താങ്കള്‍ വാഹനത്തില്‍ ഇരിക്കും.ഖലീഫയും ഭ്രുത്യനും ബൈതുല്‍  മഖ്‌ടിസിലേക്ക് കയറി ചെല്ലുമ്പോള്‍ ഇസ്ലാമിക സൈന്യത്തിന്റെ പടനായകന്‍ഓടി വന്നു  സ്വീകരിക്കുന്നത് താഴെ നില്‍ക്കുന്ന മനുഷ്യനെയാണ്‌,വാഹനത്തിന്റെ മുകളിലുള്ള മനുഷ്യനെയല്ല ഇത് കണ്ടു ആയിരക്കണക്കിന് മനുഷ്യര്‍ ഒന്നിച്ചു ഒറ്റ ശബ്ദത്തില്‍ പറഞ്ഞു: ഇത് ആകാശ ലോകത്ത് നിന്ന് ദിവ്യബോധനം ആയി ലഭിക്കുന്ന നീതിയാണിത്  .ആ നീതിയാണ് നാം ഇപ്പോള്‍ ഇവിടെ കണ്ടു കൊണ്ടിരിക്കുന്നത്.  ഈ ഒരൊറ്റ  സംഭവം കൊണ്ട് അവരില്‍ ഒരുപാട് ആളുകള്‍ ഇസ്ലാമില്‍ ആകൃഷ്ടരായി.
                                              അവര്‍ നീതിയുടെ സാക്ഷികള്‍ ആയി.അവര്‍ സഹിഷ്ണുതയുടെ സാക്ഷികള്‍ ആയി.മറ്റുള്ളവരെ വെറുക്കുന്നതിനു പകരംസ്നേഹിക്കാന്‍ അവര്‍ മാതൃക കാണിച്ചു. പ്രയാസപ്പെടുന്നവരെ  ,കഷ്ടപ്പെടുന്നവരെ,അനാഥകളെ എവിടെ കണ്ടാലും അവര്‍ക്ക് താങ്ങും തണലുമായി      സംരക്ഷിക്കുന്നവരായിരുന്നു.മുസ്ലിങ്ങളുടെ സഹജീവികള്‍ക്ക് സ്നേഹം പകര്‍ന്നു നല്കുന്നവരായിരുന്നു.അതിനാല്‍ അവരെ എല്ലാവരും സ്നേഹിച്ചു അവര്‍ ചെന്ന് കയറുന്നിടത്തെല്ലാം അവര്‍ക്ക് സ്വാഗതം .അവരുമായി സംസാരിക്കുന്നവരെല്ലാം അവരുടെ സുഹൃത്തുക്കള്‍. ഇങ്ങനെ ലോകത്തിനു നീതിയും നിഷ്ഠയും സ്നേഹവും പരസ്പര സഹകരണവും കാഴ്ചവെച്ച ഉത്തമ സമുദായമാണ് മുസ്ലിങ്ങള്‍ .ജനങ്ങള്‍ക്ക്‌ വേണ്ടി നിയുക്തരായ ഉത്തമ സമുദായമെന്ന വിശേഷണം അവര്‍ക്ക് പൂര്‍ണമായും ഫിറ്റായിരുന്നു.
                                           അങ്ങനെ മുസ്ലിങ്ങള്‍ അവരുടെതായ സ്ഥാനം കയ്യെറ്റിയ ഒരു കാലം നമുക്കറിയാം .
ആ സ്ഥാനത് അവര്‍ ഇരിക്കുമ്പോള്‍ അവര്‍ എല്ലാവര്ക്കും  അനുഗ്രഹമായിരുന്നു.കാരണം അവര്‍ മുഹമ്മദ്‌ നബി (സ)യുടെ അനുയായികള്‍ ആയിരുന്നു.മുഹമ്മദ്‌ നബി പരിശുദ്ധ ഖുര്‍ആന്‍ നല്‍കിയ വിവരണം അനുസരിച്ച് മുഴുവന്‍ മനുഷ്യ രാശിക്കും അനുഗ്രഹമാണ് ,കാരുണ്യമാണ്.നാം റബീഉല്‍ അവ്വലിലും സാനിയിലും എല്ലാം ഇത് കേട്ട് കൊണ്ടേയിരിക്കുന്നു.ഇങ്ങനെ പറയുമ്പോള്‍ അതിന്റെ അര്‍ഥം എന്താണെന്ന് നാം ചിന്തിക്കാറില്ല എങ്ങനെയാണ് ആറാം  നൂറ്റാണ്ടില്‍ ജീവിച്ചുനമ്മെ വിട്ടുപോയ മുഹമ്മദ്‌ മുസ്തഫ തിരുമേനി ഇരുപത്തൊന്നാം നൂറ്റാണ്ടിലെ മനുഷ്യന്റെ മുന്നില്‍ ,എങ്ങനെയാണ് കാരുണ്യവും അനുഗ്രഹമായിത്തീരുക? എങ്ങനെയാണ് എന്റെ ശ്രോതാവ് അത് മനസ്സിലാക്കേണ്ടത്? തിരുമേനിയെ അയാള്‍ കണ്ടിട്ടില്ല,തിരുമേനിയോടൊപ്പം ജീവിച്ചിട്ടില്ല,തിരുമേനിയുടെ ഒരു നിര്‍ദേശവും എനിക്ക് കിട്ടിയിട്ടില്ല ,എന്നിരിക്കെ നിങ്ങള്‍ എങ്ങനെയ്യാണ് അവിടുന്ന് എനിക്ക് കാരുണ്യമാണ് എന്ന് പറയുന്നത്?നിങ്ങള്‍ ആലോചിച്ചിട്ടുണ്ടോ? മുഹമ്മദ്‌ മുസ്തഫ (സ)മുഴുവന്‍ മനുഷ്യര്‍ക്കും അനുഗ്രഹവും കാരുണ്യവും ആയാണ് നിയോഗിക്കപ്പെട്ടത്   .എങ്ങനെയാണ് മുഴുവന്‍ മനുഷ്യര്‍ക്കും കാരുണ്യം ആയതു ?ആ കാരുണ്യം തിര്മെനിയോടൊപ്പം ജീവിച്ചപ്പോള്‍ തിരുമേനിയുടെ അനുയായികള്‍ സ്വന്തമാക്കി .മുഹമ്മദ്‌ മുസ്തഫ (സ) ഒരു ജീവിത മാതൃക ആയിരുന്നു,പരിശുദ്ധ ഖുറാന്റെ ജീവിക്കുന്ന പതിപ്പായിരുന്നു തിരുമേനി.  ആയിഷ (റ ) പറഞ്ഞത് പോലെ തിരുമേനിയുടെ സ്വഭാവം, തിരുമേനിയെ കാണാത്തവര്‍ക്ക് മനസ്സിലാക്കാന്‍ സാധിക്കും ,ഖുര്‍ആന്‍ എന്താണോ പഠിപ്പിച്ചത് അതായിരുന്നു തിരുമേനിയുടെ സ്വഭാവം .നബി മനുഷ്യ വര്‍ഗത്തിന്റെ മുമ്പില്‍ ജീവിക്കുന്ന ഒരു മാതൃക ആവുകയും ആ മാതൃക നബിയുടെ സ്വഹാബികള്‍ ,പിന്നെ അവരുടെ അനുയായികള്‍ ,പിന്നെ അവരുടെ അനുയായികള്‍ .........ഇങ്ങനെ മുസ്ലിം ലോകം തലമുറകള്‍ക്ക്  തലമുറ  പകര്‍ന്നു കൊടുത്തുകൊണ്ട് ആ മാതൃക നിലനിര്‍ത്തുകയും ചെയ്യുമ്പോള്‍ ആണ് തിരുമേനി ലോകര്‍ക്കാകമാനം അനുഗ്രഹവും കാരുണ്യവും ആവുക   .അതാണ്‌ മുസ്ലിങ്ങള്‍. നിങ്ങള്ക്ക് അല്ലാഹുവിന്റെ ദൂതനില്‍ ഉത്തമ മാതൃകയുണ്ട് എന്ന് പരിശുദ്ധ ഖുര്‍ആന്‍ പഠിപ്പിക്കുന്ന ആ ഉത്തമ മാതൃകയായി ലോക ജനതയ്ക്ക് മുമ്പില്‍ ജീവിക്കുന്ന സത്യത്തിന്റെ സാക്ഷികള്‍ ആണ് മുസ്ലിങ്ങള്‍ . 

                                                                                                                         (തുടരും )

    

ഏകദൈവത്വം, പ്രവാചകത്വം,പരലോകം ....... .ഭാഗം 1

                                                                            ആമുഖം 
(ബഹുമാന്യ പണ്ടിതനായ എം വി  മുഹമ്മദ്‌ സലിം മൌലവി , മലപ്പുറം പുതനത്താനിയില്‍, തുടര്‍ച്ചയായ എട്ടു ദിവസങ്ങളില്‍ നടത്തിയ പ്രഭാഷണ പരമ്പരയുടെ ലേഖനാവിഷ്കാരമാണ് ഇവിടെ ഇതള്‍ വിരിയുന്നത്.
തൌഹീദ്, രിസാലത്, ആഖിറത്തു  എന്നീ വിഷയങ്ങള്‍  ഖുര്‍ആന്‍, ഹദീസ്, സയന്‍സ് തുടങ്ങിയവയുടെ പിന്‍ബലത്തില്‍ വളരെ ലളിതമായ ശൈലിയിലും ആര്‍കും കാര്യങ്ങള്‍ ഗ്രഹിക്കാവുന്ന രൂപത്തിലും അവതരിപ്പിക്കുന്നു.   )                                 

                                              അനുഗ്രഹീതമായ  ഈ  സായം   സന്ധ്യയില്‍, വിശ്രുതമായൊരു ഭൂപ്രദേശത്ത്   അല്ലാഹുവിന്റെ ദീനിനെ കുറിച്ച് കേള്‍ക്കാന്‍ ,പഠിക്കാന്‍,ഗ്രഹിക്കാന്‍,അതിലൂടെ ജീവിതത്തില്‍ പരിവര്‍ത്തനം ഉണ്ടാക്കാന്‍ സന്നദ്ധരായി സന്നിഹിതരായ നിങ്ങള്കേവര്‍ക്കും ഭാവുകങ്ങള്‍ .അല്ലാഹു നാം ഏവരെയും അനുഗ്രഹിക്കട്ടെ ...........

                                              വിസ്മരിക്കപ്പെട്ട ചില പ്രധാന യാധാര്ത്യങ്ങള്‍ നാം ഓര്‍ത്തെടുക്കാന്‍ സമയം വൈകിയിരിക്കുന്നു .ആരാണ്  മുസ്ലിങ്ങള്‍? ഈ ഭൂമിയില്‍ ജീവിക്കുന്ന ഏറ്റവും ഭാഗ്യവാന്മാരായ മനുഷ്യരാണ്  മുസ്ലിങ്ങള്‍ . ഭൂമി ഇങ്ങനെ ജീവന്‍ നിറഞ്ഞതായി നിലനില്‍ക്കാന്‍ അല്ലാഹു നിര്‍ണയിച്ച സംവിധാനം അണുകിട പിഴക്കാതെ നിലനിന്നു പോരുന്നു. ഈ ഭൂമി അതിന്റെ രക്ഷിതാവിന്റെ നിയമങ്ങള്‍ പൂര്‍ണമായും അനുസരിച്ച് കൊണ്ടിരിക്കുന്നു .ഭൂമിക്കു ചുറ്റും നാം കാണുന്ന ആകാശം അതിന്റെ രക്ഷിതാവിന്റെ നിയമങ്ങള്‍ പൂര്‍ണമായും അനുസരിച്ച് കൊണ്ടിരിക്കുന്നു.ആ അനുസരനതോട് താദാത്മ്യം പ്രാപിച്ചു പ്രപഞ്ച നാഥനായ അല്ലാഹുവിന്റെ നിയമങ്ങള്‍ പൂര്‍ണമായും അനുസരിക്കുന്നവരാന് മുസ്ലിങ്ങള്‍ .അതിനാല്‍ ഭൂമിയില്‍ ജീവിക്കുന്ന യഥാര്‍ത്ഥ ഭാഗ്യവാന്മാര്‍ ആണ് മുസ്ലിങ്ങള്‍. 

                                            മനുഷ്യ വര്‍ഗം അവരുടെ ജീവിതത്തില്‍ ഏത് വഴിയാണ് തെരഞ്ഞെടുക്കേണ്ടത് എന്ന്  അല്ലാഹു അവനെ പഠിപ്പിച്ചു.അത് പഠിപ്പിക്കാനായി ആകാശ ലോകത്ത് നിന്ന് ദിവ്യ ബോധനം ഉണ്ടായി. വേദ ഗ്രന്ഥങ്ങള്‍ അവതരിച്ചു .ഭൂമിയില്‍ അവതരിച്ച വേദ ഗ്രന്ഥങ്ങളില്‍ ഏറ്റവും ഉന്നതവും മഹത്തരവും ഉദാത്തവും ആയ വേദ ഗ്രന്ഥമാണ് പരിശുദ്ധ ഖുര്‍ആന്‍ .ആ ഖുര്‍ ആനിന്റെ  അനുയായികള്‍ ആണ് മുസ്ലിങ്ങള്‍. മാനവരാശിക്ക് സത്യ ദീന്‍ പകര്‍ന്നു കൊടുക്കാന്‍ പ്രവാചകന്മാരുടെ പരമ്പര വന്നു. ആ പരമ്പരയുടെ പരിസമാപ്തി ആയിരുന്നു അശ്രഫുല്‍ ഖല്കു മുഹമ്മദ്‌ മുസ്തഫ (സ) . മുഹമ്മദ്‌ നബി തിരുമേനിയുടെ അനുയായികളാണ് മുസ്ലിങ്ങള്‍.

ഉത്തമസമുദായം

                                             ആ മുസ്ലിങ്ങളെ കുറിച്ച് നമ്മെ അഭിസംബോധന ചെയ്തു കൊണ്ട് അല്ലാഹു പറയുന്നു: ജനങ്ങള്‍ക്ക്‌ വേണ്ടി നിയോഗിക്കപ്പെട്ട ഉത്തമ സമുദായമാണ് നിങ്ങള്‍ .ആധികാരികമായി മുസ്ലിങ്ങളെ ക്കുറിച്ച് അല്ലാഹു പറഞ്ഞതാണിത്.ജനങ്ങള്‍ക്ക്‌ വേണ്ടി നിയുക്തരായ ഉത്തമ സമുദായം .മുസ്ലിങ്ങളുടെ സാന്നിധ്യം മുഴുവന്‍ മനുഷ്യ രാശിക്കും ആവശ്യമാണ്‌ .അവരുടെ ദൌത്യം എന്തെന്നല്ലേ?നിങ്ങള്‍ നന്മ കല്പിക്കുന്നു;തിന്മ വിരോധിക്കുന്നു. നന്മ ഉണ്ടാക്കുകയും  തിന്മ ഇല്ലാതാക്കുകയും ചെയ്യുന്ന ഒരു സമൂഹം ലോകത്ത് എവിടെയുണ്ടെങ്കിലും അവരുടെ  സഹ ജീവികള്‍കെല്ലാം ആവശ്യമാണ്‌.കാരണം നന്മ മനുഷ്യ  വര്‍ഗ്ഗത്തിന്റെ ആവശ്യമാണ്‌; തിന്മ മനുഷ്യ വര്‍ഗ്ഗത്തിന്റെ നാശമാണ് .

                                            മുസ്ലിങ്ങള്‍ അല്ലാഹുവിന്റെ  നിര്‍ദേശം ശിരസ്സാവഹിച്ചു.ആദ്യമായി ഹിറയില്‍ നിന്ന്  മുഹമ്മദ്‌ നബിക്ക് ലഭിച്ച നിര്‍ദേശം വായിക്കുക ,വിജ്ഞാനം സമ്പാദിക്കുക,അറിവ് നേടുക എന്നൊക്കെയാണ് .അറിവ് നേടുന്നതിനു ഒരു അടിസ്ഥാനമുണ്ട് .ആ അടിസ്ഥാനത്തില്‍ അറിവ് നേടേണ്ടതുണ്ട് .സൃഷ്ടിച്ച നിന്റെ നാഥന്റെ നാമത്തില്‍ അറിവ് നേടുക.വായിക്കുക.ആ വായനയാണ് മുസ്ലിങ്ങള്‍ ലോകത്തിനു മുന്നില്‍ വായിച്ചത് .അല്ലാഹുവിന്റെ പേരില്‍ മനുഷ്യ രാശിക്ക് ആവശ്യമായതെല്ലാം അവര്‍ പഠിച്ചു .ആവശ്യമായ വിജ്ഞാനങ്ങള്‍ എല്ലാം അവര്‍ ശേഖരിച്ചു.അവര്‍ ലോകത്തിന്റെ ഗുരുനാഥന്മാരായി.ലോകത്തിനു അറിയാത്തത് ആരോട് ചോദിക്കണം എന്നാ ചോദ്യത്തിന് ഒരേ  ഒരുത്തരം മുസ്ലിം പണ്ടിതരോട് ചോദിക്കണം.ഇന്ന് ഇംഗ്ലീഷ് ഭാഷ അറിയാത്തവര്‍ സമൂഹത്തില്‍,നാഗരികതയില്‍ ഒന്നുമല്ലാത്തത് പോലെ മുസ്ലിം പണ്ഡിതന്മാരുടെ ഭാഷ,അറബി  അറിയാത്തവര്‍ ഒനുമാല്ലത്തവര്‍ ആയിരുന്നു അന്ന്.മുസ്ലിം പണ്ഡിതന്മാര്‍ എല്ലാ ശാസ്ത്ര ശാഖകളിലും നൈപുണ്യം നേടി.അവരില്‍ ഗോള ശാസ്ത്ര വിദഗ്ദര്‍ ഉണ്ടായി.ഭൂമി ശാസ്ത്ര വിദഗ്ദര്‍ ഉണ്ടായി.വൈദ്യ ശാസ്ത്ര വിദഗ്ദര്‍ ഉണ്ടായി.ഗണിത ശാസ്ത്രത്തില്‍ പുതിയ പുതിയ തത്വങ്ങള്‍ കണ്ടു പിടിച്ചു.ജ്യോമെട്രിയും എക്കനോമെട്രി യും വളരെ ശാസ്ത്രീയം ആയി അവതരിപ്പിച്ചു.മനുഷ്യ  ശരീരത്തെ കുറിച്ച് അവര്‍ ഗഹനമായി പഠിച്ചു .ബയോളജിയില്‍,അനാട്ടമിയില്‍ അവര്‍ രേഖപ്പെടുത്തിയ തത്വങ്ങള്‍ ഇന്നും വൈദ്യശാസ്ത്രം ഉപയോഗപ്പെടുത്തുന്നു. ഖാനൂന്‍ എന്ന ആ വിഖ്യാത ഗ്രന്ഥം അടുത്ത കാലം വരെ -ഇപ്പോഴുണ്ടോ എന്നെനിക്കുറപ്പില്ല-അടുത്ത കാലം വരെ നമ്മുടെ രാജ്യത്തു മെഡിക്കല്‍ വിദ്യാര്‍ഥികള്‍ പഠിക്കേണ്ട ടെക്സ്റ്റ്‌ ബുക്കുകളില്‍ ഒന്നായിരുന്നു.അത് അറബി ഭാഷയില്‍ നിന്ന് ലോകത്തെ വിവധ ഭാഷകളിലേക്ക് വിവര്‍ത്തനം ചെയ്തു .അങ്ങനെ വൈജ്ഞാനിക രംഗത്ത് ഏറ്റവും ഉയര്‍ന്നു നിന്നു മുസ്ലിങ്ങള്‍ .                                                                        (തുടരും.....)